भांगरभूंय | प्रतिनिधी
आसामच्या कार्बी आंगलोंग वाठारांत प्रशिक्षणा मजगतीं रडारवेल्यान बेपत्ता जाल्ल्या भारतीय वायुसेनेचें सुखोई Su-30MKI हें झुजाचें विमान कोसळ्ळें. ह्या अपघातांत दोनूय पायलट स्क्वाड्रन लीडर अनुज आनी फ्लायट लेफ्टनंट पुर्वेश दुरागकार हांकां मरण आयलें.
वायुसेनेन बिरेस्तारा मध्यानरातीं १ जावन ९ मिनिटांनी विमानाचो अपघात जाल्ल्याची पुश्टी केल्ली. शुक्रारा सकाळीं ९.१४वरांचेर आनीक एका द पोस्टांत दोनूय पायलटांच्या मरणाची म्हायती दिली. सेने प्रमाण, सोद मोहीम सुरू आसा. हो अपघात जालो तेन्ना झुजा विमान नेमान उड्डाणाचेर वा मोहिमेचेर आशिल्लें. हाचे मजगतीं, ताचो ग्रावंड कंट्रोला कडेन संपर्क तुटिल्लो.
वायुसेने प्रमाण, रडारा कडेन संपर्क तुटल्या उपरांत वायुसेनेने बेगोबेग अलर्ट जारी करीत घडणुकेच्या चवकशे खातीर IAF टिमीक आसामाक धाडली. सध्या विमानाची नेमकी स्थिती आनी संपर्क तुटपाच्या कारणाचो सोद घेवप चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
