भांगरभूंय | प्रतिनिधी
गुवाहाटी, खबरां संस्था: आसामांतल्या दिमा हासाओ जिल्ह्यांतली कोळशाची ३०० फूट खोल खण सोमारा अचकीत उदकान भरली. कामगारांनी दिल्ले म्हायती प्रमाण, खणींत १५ कामगार आडकून उरल्यात. उमरंगसोच्या ३ किमी वाठारांत आशिल्ले कोळसो खाणींत ही घडणूक घडली. उदकाची पातळी १०० फूट आसा. दोन पंपांचे मजतीन उदक भायर काडटात.
आसामाचे मुख्यमंत्री हिमंता बिस्वा सरमा हांणी सोशल मिडिया पोस्टांत म्हणलां, ‘उमरंगसोचे कोळसो खाणींत कामगार आडकल्यात. जिल्लोधिकारी, एसपी आनी म्हजे वांगडी कौशिक राय घडणुके सुवातेर पावल्यात. रेस्न्यू ऑपरेशनांत लस्कराची मजत घेतल्या. एसडीआरएफ आनी एनडीआरएफची टीम घडणुके सुवातेर पावल्या.
प्रत्यक्षदर्शींच्या म्हणण्या प्रमाण, अचकीत उदक आयलें. हाका लागून कामगारांक खणींतल्यान भायर सरपाक मेळूंक ना.
अधिकार्यांनी सांगलें, एमर्जन्सी रिस्पॉन्स टीम, थळावे अधिकारी आनी खाण तज्ज्ञांच्या पंगडा सयत रेस्न्यु ऑपरेशन सुरू केलां. खाणींत आडकल्ल्या कामगारांचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
