भांगरभूंय | प्रतिनिधी
नांव नोंदणी खातीर अर्ज केल्ल्या 40 लाख लोकांचे अर्ज न्हयकारले
आसाम, खबरां संस्था ः आधार कार्ड भारतीय लोकां खातीर खूब म्हत्वाचो दस्तावेज. हाचे वरवीं जायतीं कामां सहजपणान करूं येतात. पूण आसामांतल्या लाखांनी लोकांक आधार कार्ड नाशिल्ल्यान अडचणीं येतात. जायत्या सरकारी येवजण्यां खातीर पात्र आसून लेगीत तांचो लाव तांकां घेवंक मेळना. हातूंत पात्रताय आसून लेगीत आधार कार्ड नाशिल्ल्यान नोकरी मेळनाशिल्ल्या शेंकड्यांनी तरणाट्यांचो आस्पाव आसा. राज्या भायर शिक्षणीक संस्थांनी प्रवेश घेवंक शकना अशेंय विद्यार्थी आसात.
आसामाच्या नॅशनल रजिस्टर ऑफ सिटिझन्सांत (एनआरसी) नांव नोंदणी खातीर अर्ज केल्ल्या 40 लाख लोकांचे अर्ज न्हयकारले. तातूंतले 27 लाख लोकांनी परतून अर्ज केल्या उपरांत एनआरसींत आस्पाव केलो. अशें आसून लेगीत तांकां आधार क्रमांक दिवंक ना. ह्या विशयाचेर आसाम भौशीक बांदकामाचे अध्यक्ष अभिजीत सरमा हांणी म्हणलें, ‘सगली प्रकरणा ह्या लोकांच्या बायोमेट्रीकाचेर आदारीत आसा. सर्वोच्च न्यायालयाच्या आदेशा उपरांत ह्या लोकांचो बायोमेट्रीक डेटा लॉक केला. हे विशीं सर्वोच्च न्यायालय आदेश दितलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
