भांगरभूंय | प्रतिनिधी
भांगरभूंय । प्रतिनिधी
म्हापशेंः सांवतावाडा- आसगांव हांगा एके बांयेंत उडी मारिल्ले सुमती कवठणकार (65) हे बायलेक म्हापशेंच्या उजो पालोवपी दलाच्या जवानांनी वाटायलें. बिरेस्तारा फांतोडेर 4.25 वरांचेर ही घडणूक जाली. तिची खबर मेळटगीर उजो पालोवपी दलाच्या जवानांनी घडणुकेचे सुवातेर येवन बायलेक बांयेतल्यान भायर काडलें.
बांय 65 फूट खोल आशिल्ल्यान 60 फूड लांब निसण बायले मेरेन पावपाक शकली ना. निमाणे गिरीश गांवस हांणी बांयेंत देंवून ते बायलेक दोरयेन तिका वयर काडली. उजो पालोवपी दलाचे उप अधिकारी ज्ञानेश्वर सावंत, योगेश आमोणकार, भगवान पाळणी आनी सनील बाणावलीकार हांणी हें काम केलें. सुमती कवठणकार हिका एक हात ना. दुयेसाक बेजारून तिणे जीव दिवपा खातीर बांयेंत उडी मारली आसुये असो पुलिसांक दुबाव आसा. हणजूण पुलीस तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
