भांगरभूंय | प्रतिनिधी
पेडणें: मांद्रें पंचायतींतल्या आश्वें सर्वे नं. 222/1 बी वाठारांत बेकायदेशीर बांदकाम आशिल्ल्याची कागाळ आयले उपरांत पेडणें उपजिल्लोधिकार्यांनी बांदकामां विशीं काम बंद दवरात, असो आदेश दिल्लो. सगळे तरेचे परवाने घेवन आमी बांदकाम करतात. तशे तरेचीं कागदपत्रां पेडणें उपजिल्होधिकारी कार्यालयांत सादर केले उपरांत उपजिल्होधिकारी शिवप्रसाद नायक हांणी दिल्ली नोटीस फाटीं घेतल्या. अशी म्हायती कागदपत्रां सयत संबंदितांनी दाखयली.
आश्वें मांद्रेंचें हें बांदकाम बेकायदेशीर आशिल्ल्याची कागाळ थळाव्या लोकांनी पेडणें उपजिल्होधिकारी कार्यालयांत केल्ली. ते प्रमाण पेडणें उपजिल्होधिकारी शिवप्रसाद नायक हांणी गंभीर दखल घेवन संबंदितांक नोटीस धाडून काम बंद करपाचो आदेश दिल्लो.
ह्या बांदकामां संबंदांत दिल्ली नोटीस फाटीं घेतली, तशेंच रान खातें कार्यालयांतल्यान कांय झाडां मारपाची परवानगी दिल्ल्याचीं कागदांपत्रां दाखयलीं. थळावे पंच वांगडी किरण सावंत हांणी प्रतिक्रिया दितना, संबंदीत बांदकाम करप्यांनी परवाने घेतिल्ल्यान नोटीस फाटीं घेतली, अशें म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
