भांगरभूंय | प्रतिनिधी
रामुलो एक धडधाखट दादलो. तो घटमूट आशिल्लो. तो आजून मेरेन चलतूच भोंवतालो. ताचे कडेन धनदौलत खूब आशिल्ली. आवय बापायन संस्कार बरे दिल्ले. ताका कश्ट करपाक शिकयल्ले.
रामुल्याक दोन चले आशिल्ले. पूण दोगूय पूत कांय कामाचें नाशिल्ले. रामुल्यान तांकां धाडोवन बडोवन शिकयले आनी पास करून घेताले. ताची बायल तांकां मारल्यार वा तापयल्यार बेजार जाताली. पूण घोवाक लागून पुतांक बेश्टीच दोन उतरां सांगताली. तीं वयले वयर आसतालीं.
रामुल्याक आतां टॅन्शन जावंक लागिल्लें. भुरगे अशेच रावले जाल्यार आपलें हें कोण सांबाळटलो. ताणें आपल्या इश्टाक ही गजाल सांगली. इश्टान म्हणलें, “तुज्या पुतालें कितें जालां जाणां, तांकां सगळें आयतें मेळटा तशें फुडेंय मेळटलें अशें तांकां दिसता. तूं हांव सांगतां तशें कर.” ताणें ताच्या कानांत कितें तरी सांगलें.
रामुल्यान पुतांक फुड्यान आपयत म्हणलें, “पळय म्हजे कडेन खूब आसा, हें तुमकांच, पूण तातूंतले कांय अशें आसा ते तुमच्या एकट्या कडच्यान हांव परत घेतलों. एकल्याक मात सगलें दितलों”.
“कोणाक?” दोनूय पुतांनी विचारलें.
जो कोण आतांचे उदरगती प्रमाण नवें अशें कितें घडयतलो तें ह्या जगाचे विक्रेक ताची मोटी तुलना जावंक जाय. जाय जाल्यार तुमकां थोडे पयशे दितां. पूण पयशे वगडावप ना. जाका सगळो वांटो जाय तो तें काम नक्की करतलो हो म्हजो विश्वास. आशेन करात पूण बरें करात.
आतां धन कोणाक नाका. सगळेच आशेचे न्हय. त्या दिसा सावन दोगूय पूत कितें ना कितें नवे नवे आनी बरे बरे उद्योग करूंक लागले. तें करपा खातीर पुस्तकांय वाचूंक लागले. अशे तरेन तांचे नस्ते उद्योग कमी जाले. तें कितेंय करूं, तें मन लावन करूंक लागलें.
कश्ट करपाची तांकां संवय लागली. पयशाचें मोल तांकां कळ्ळें. ल्हानपणांत अशे आशेन मनार घेतिल्लें जाल्यार तांकां फुडें व्हड जातकूच बर्य़ाक पडपाचें. ते दोगूय व्हड धंदेकार जाले. कमी जास्त, कमी जास्त ह्या कारणान बापूय तांकां एक चान्स अशें ओग्गीच सांगतालो. ते आपूणच जास्त करपी जावं म्हूण नवे करीत रावताले. कामाची संवय तांच्या आंगान अशी बळलेली की तांणी धन आसून लेगीत मजा मारून जगपाचेर उदक सोडलें. स्वता तयार केल्ल्यो वस्तू आयज बाजारांत व्हड प्रमाणांत विक्री जावंक लागल्यो जश्यो आयज मोबायल आनी गाडयो हांची विक्री जाता. ते दोगूय आयज तांच्या उद्योगान भर घालितूच आसात. आशेन करूं पूण बरें जालें. रामुलो आतां दोगांय पुतां वांगडा सुखान जगता.
सोनाली सु. पेडणेकर.
[email protected]
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
