भांगरभूंय | प्रतिनिधी
आशियायी क्रिकेट समितीन आशियायी करंड सर्तीचें वेळापत्रक जाहीर केलें. 30 ऑगस्ट ते 17 सप्टेंबर ह्या कालावधीत पाकिस्तान आनी श्रीलंका ह्या देशांनी सर्त जातली.
आशिया क्रिकेट समितीन सर्तीच्यो तारखो आदींच जाहीर केल्ल्यो. पूण, हातूंत खंयचो पंगड कोणा आड खेळटलो हें निश्चीत जावंक नाशिल्लें. भारतीय क्रिकेट नियामक मंडळान (बीसीसीआय) भारताचो पंगड पाकिस्तानांत धाडपाक न्हयकार दिल्ल्या उपरांत आशिया क्रिकेट समितीन ही सर्त पाकिस्तान आनी श्रीलंका ह्या देशांनी खेळोवपाचो निर्णय घेतलो. त्या प्रमाण पाकिस्तानांत चार जाल्यार श्रीलंकेंत णव मॅची जातल्यो.
भारताच्यो सगल्यो मॅची श्रीलंकेंत जातल्यो. भारताच्या वेळा प्रमाण सगल्यो मॅची दनपारच्या 1.30 वराचेर सुरू जातल्यो. भारत, पाकिस्तान आनी नेपाळ अ गटांत आसात, जाल्यार ब गटांत श्रीलंका, बांगलादेश आनी अफगाणिस्तान ह्या पंगडांचो आस्पाव केला. दोनूय गटांतले पयले दोन पंगड सुपर चारांत खेळटले आनी ते उपरांत पयले दोन पंगड फायनलींत खेळटले.
संवसारीक वन डे क्रिकेट सर्त दोळ्या मुखार दवरून आशिया क्रिकेट समितीन ही सर्त वन डे फॉर्मेटान खेळपाचें थारायलां.
वेळापत्रक
30 ऑगस्ट- पाकिस्तान आड नेपाळ, मुल्तान
31 ऑगस्ट- बांगलादेश आड श्रीलंका, कॅण्डी
2 सप्टेंबर-पाकिस्तान आड भारत, कॅण्डी
3 सप्टेंबर-बांगलादेश आड अफगाणिस्तान, लाहोर
4 सप्टेंबर-भारत आड नेपाळ, कॅण्डी
5 सप्टेंबर-श्रीलंका आड अफगाणिस्तान, लाहोर
6 सप्टेंबर- (सुपर 4) ए1 आड बी2, लाहोर
9 सप्टेंबर-(सुपर 4) बी1 आड बी2, कॅण्डी
10 सप्टेंबर- (सुपर 4) ए1 आड ए2, कॅण्डी
12 सप्टेंबर (सुपर 4) ए2 आड बी1, दाम्बुला
14 सप्टेंबर (सुपर 4) ए1 आड बी1, दाम्बुला
15 सप्टेंबर (सुपर 4) ए2 आड बी2, दाम्बुला
17 सप्टेंबर-फायनल
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
