भांगरभूंय | प्रतिनिधी
खबरां संस्था
हांगझोऊः चीनांतल्या हांगझोऊ हांका सुरू आशिल्ल्या आशियाई खेळांत भारतान आयतारा बरी सुरवात केली. नौकानयनांत 3 आनी शूटिंगांत 2 मेळोवन पयल्या दिसा भारतान पांच पदकां मेळयलीं. त्या भायर बायलांच्या क्रिकेट पंगडान बांगलादेशाक 8 विकेटींनि हारोवन फायनलींत प्रवेश केलो. हाका लागून क्रिकेटींत भारताचें पदक निश्चीत जालां.
पाकिस्तान आनी श्रीलंका पंगडा मदीं दुसरी सेमीफायनल जातली आनी तातूंतलो जैतिवंत पंगड सोमाराक फायनलींत भारताा वांगडा खेळटलो. भारताच्य दातल्यांच्या हॉकी पंगडान जैतान आपले कामगिरीक सुरवात केली. ताणी पयलेच मॅचींत उज्बेकिस्तानात 16-0 अशा गोलांनी हारयलें. आयताराक भारताक नौकानयनांत लाटव वेग डबल्स स्कलांत अर्जुन लाल जाय आनी अरविंद सिंहान पयलें पदक मेळोवन दिले. तांणी 6 मिनटां 28.18 सेकंदाचो वेळ नोंद करून रुप्या पदक मेळयलें.
भारताक दुसरें पदक 10 मीटर ऍर रायफलांत बायलां पंगडान मेळोवन दिलें. मेहुली घोष, रमिता आनी आशी चौकशीन 1880.0 ह्या स्कोरान रुप्या पदक मेळटलें. नौकानयनांत बाबूलाल यादव आनी लेखरामान नौकानयनांत भारताक कांस्या पदक मेळोवन दिलें. तांणी 6.50.41 ह्या वेळाची नोंद केली. नीरज, नरेश कलवानियी, नितीश कुमार, चरणजीत सिंग, जसविंदर सिंग. भीम सिंग, पुनित कुमार.आशि। आनी धनंजय पांडे हांणी नौकानयतांत 8 इव्हेंटात भारताक तिसरे रुप्या पदक मेळोवन दिलें
रमितान 10 मीटर रायफलांत कांस्या पदक जिखलें. ताणे 230.1 स्कोरान तिसरी सुवात मेळयली. मेहुली घोशान चवथी सुवात मेळयली. जलतरणांत 4×100 मीटर फ्री स्टायल रिलेन भारताच्या बायलांनी फायनलींत प्रवेश केलो. 100 मीटर बँकस्ट्रोकांत हरी नटराजान फायनलींत प्रवेश केलो. भारतान पयलेच फावट नौकानयन लायट बेट डबल्सांक पदक मेळयलें. हाचे पयलीं ह्या प्रकारांत भारतान पदक मेळूं नाशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
