भांगरभूंय | प्रतिनिधी
भांगरभूंय । खबरां मेज
पणजीः कोंकणी उलय लंडन फुलय ही सप्तकी दोन वरांची नॉन-स्टॉप कोंकणी रेडिओ कार्यावळ सावथहॅम्प्टन, युके हांगचे आवाज 99.8 एफएम कम्युनिटी रेडिो केंद्रा वयल्यान प्रसारीत करतात. शेनवार 6 मेक तिचो 150वो शो जालो आनी कार्यावळीन हुपल्लो व्हो मैलाचो फातोर थारलो.
रेडियो श्रोत्यां मदीं फामाद आशिल्लो शोचो होस्, निर्मातो आनी दिग्दर्शक आरजे रॉक वाझ हाच्या मता प्रमाण ही कार्यावळ कोंकणी साहित्याची वर्सान वर्स सेवा करता. सगल्या पिरायेच्या लोकांक संगीत, वाचन आनी रिकॉर्डिंगाचें प्रशिक्षण दिता. कविता आनी लेख ताच्या ,स्वताच्या आवाजांत आनी रेडिओ केंद्रा वयल्यान प्रसारीत करून कोंकणीच्या मळार कोंकणी कवितेची कला आनी संकल्पनेचो प्रचार, उदरगत आनी फुडले पिळगे खातीर ही कार्यावळा वरवीं जाता. ब्रिटनांतल्या वेगेवगळ्या परगण्यांत स्थाईक जाल्ल्या गोंयच्या सगल्या कवींक एका साहित्याच्या पाख्या खाला हाडपा खातीर रॉक वाझाचे यत्न चल्ल्यात. युवरोपियन भूंयर ब्रिटनाची पयली कोंकणी कविता अकादमीची कल्पना त्या दिसा जल्माक आयली ज्या दिसा राजा चार्ल्स अधिकृतपणान युकेचो सम्राट म्हणून सिवांसनाचेर बसलो. नामनेचो कवी मारियानो लुकास दिनीज कोंकणी कविता अकादमीचो अध्यक्ष आसा. कवी एड्रियन फर्नांडीस सरचिटणीस आनी स्टीव्ह फ्रँकी वरेला तिचे भांडरी आसात. रडिओ शोचे क्रिएटिव्ह संचालक बिहुला वाझ हाचो आसपाव आशिल्ली वेवस्थापकीय समिती नेमल्या. टेडी टिओडोसिओ रॉड्रिग्ज, जोवितो रॉड्रिग्ज, कवयित्री डेझी रॉड्रिग्ज, तरणाटी वावुरपी मार्क सिल्वा आनी संवसारीक गोंय दिसाचे प्रणेते रेने बॅरेटो आनी आरजे रॉक वाझ हे अकादमीचे वांगडी आसात.
रॉक वाझ उत्कृष्ठ लोकप्रीय कविता सर्ती आयोजीत करता. तातूंत 10 हजार 7500 आनी 5 हजार अशीं इनामां आसतात.
कविता शोचे मजगतीं जैतिवंताची नांवां जाहीर करतात. सर्तींत कसो वांटो घेवपाचें तें रेडिओ शो वेळार जाहीर करतात. शोक पांच वर्सां पुराय जाल्ल्यान 4 नोव्हेंबर 2023 दिसा तीन इनामां जाहीर करतले.
कोंकणी रेडिओ कार्यावळीचें थेट प्रक्षेपण फेसबुक पेजवर – KONKANI ULOI LONDON FULOI आनी स्मार्टफोन अॅप – RADIO UK वतीन करतात. अली बेग भाई हें रेडिओ स्टेशनाचे स्टेशन डायरेक्टर आसात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
