भांगरभूंय | प्रतिनिधी
जोधपूर, खबरां संस्था: जोधपूरच्या वैजकी म्हाविद्यालयाच्या वाठारांत १४ वर्सां पिरायेचे नेण्टे चलयेचेर सामुहीक बलात्कार जालो. आयतारा (२५ ऑगस्ट) जोधपूरच्या महात्मा गांधी सरकारी हॉस्पिटल वाठारांत ही घडणूक घडली. ह्या प्रकरणांत पुलिसांनी दोगांक ताब्यांत घेतल्यात. दोगूय दुबावीत हॉस्पिटलांत कंत्राटार नितळसाण करपाचें काम करताले.
पुलिसांनी दिल्ले म्हायती प्रमाण, पिडेस्त चली आवय कडेन झगडून तिडकीन घरांतल्यान भायर सरली. मागीर आयतारा दनपरां ती हॉस्पिटलाच्या कॅन्टीनांत गेली. ही चली सांजवेळा मेरेन घरा परतूंक नाशिल्ल्यान तिच्या पालकांनी पुलिसां कडेन कागाळ केली. मजगतीं, ती चली कॅन्टीनांत एकलीच आसा हें पळोवन दुबावितांनी तिचे कडेन वळख केली आनी तिका हॉस्पिटलाच्या फाटल्यान आशिल्ल्या डंपिंग यार्डांत व्हेली. थंय चलयेचेर बलात्कार केल्या उपरांत ते दोगूय थंयच्यान पळून गेले. पिडेस्त चलयेन पुलिसांक हे विशीं म्हायती मेळ्ळी.
पुलिसांनी सांगलें : चलयेच्या पालकांनी चली बेपत्ता आशिल्ल्याची कागाळ आयतारा नोंद केली. सोमारा आमकां तिचेर बलात्कार जाल्ल्याचें समजलें. पुरावे एकठांय केल्यात. सध्या आमचो तपास सुरू आसा.
बलात्काराच्या घडणुकांक लागून शारांत भंय पातळल्या उपरांत आतां विरोधकांनी भाजपा सरकाराचेर टिका केल्या. राजस्थानांत रानवटी राज सुरू आशिल्ल्याची टिका कॉंग्रेसीन केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
