भांगरभूंय | प्रतिनिधी
म्हापशें, प्रतिनिधी ः कुटुंबीक वादातल्यान आवयन आपल्या ३ आनी ५ वर्सांच्या भुरग्यांक फिनॅल दिवन स्वताय तें पिलें. ही धक्को दिवपी घडणूक आराडी, सुकूर- पर्वरे घडली. घडल्या. भुरग्यांचेर जीएमसींत जाल्यार दुबावीत आवयचेर पर्वरेच्या खाजगी हॉस्पिटलांत उपचार सुरू आसात. ह्या प्रकरणांत पुलिसांनी दुबावीत बायले आड गुन्यांव नोंद केला.
व्हिडियो पळोवपाक हांगा क्लिक करात – कुटुंबीक वाद भुरग्यांक जिवाचेर?
सोमारा 1 तारखेक रातची ही घडणूक घडली. मूळ गडग कर्नाटकांतले हदिमनी कुटुंब आराडी- सुकूर हांगा रावता. सोमारा सुमार 11.30 वरां पयलीं दुबावीत बायलेन स्वता फिनॅल पियेवन उपरांत आपल्या 3 आनी 5 वर्सां पिरायेच्या दोन भुरग्यांक दिलें.
हे घडणुके उपरांत तिगांयचीय भलायकी इबाडली. तिका शुद्ध येतकच आपूण गंभीर चूक केल्या हें तिका कळ्ळें आनी तिका ताचो पश्चाताप जालो. ते उपरांत तिणें आपल्या घोवाक आनी सोयऱ्यांक फोन करून घडणुकेची म्हायती दिली. ही म्हायती मेळटकच तिचो घोव आनी सोयरे तिच्या घरा आयले. उपरांत तिगांचीय भलायकी गंभीर आशिल्ली. तांकां रोखडेच पर्वरेच्या खाजगी हॉस्पिटलांत दाखल केले. थंयच्यान दोनूय भुरग्यांक जाएमसींत व्हेले. दोनूय भुरग्यांचे थंय उपचार सुरू आसात. जाल्यार दुबावीत बायलेचेर त्या खाजगी हॉस्पिटलांत उपचार सुरू आसात.
हे घडणुकेची म्हायती मेळ्ळ्या उपरांत पर्वरी पुलिसांनी घडणूक सुवातेर वचून पंचनामो केलो. तशेंच दुबावित बायलेचो घोव शिवनगौडा हदिमनी हांचे कागाळी प्रमाण मंगळारा दनपारां पुलिसांनी भारतीय दंड संहितेच्या कलम 109 आनी गोंय किशोर कायद्याच्या कलम 8 (2) खाला आपल्या दोन भुरग्यांक फिनॅल पियेवन खून करपाचो यत्न केल्ल्याचो गुन्यांव नोंद केलो.
मजगतीं, अर्थीक नदरेन हे कुटुंब गिरेस्त आसा. दुबावीत बायलेन ही कृती रागान केल्या आनी हदिमनी कुटुंबांतल्या कुटुंबीक वादाक लागून दुबावीत बायलेक राग आयला आसूं येता आनी ही घडणूक तिणें केल्ली आसूं येता असो दुबाव पुलिसांनी उक्तायला.
पुलीस निरिक्षक राहुल परब हांच्या फुडारपणा खाला उपनिरिक्षक लॉरेन सिक्वेरा फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
