भांगरभूंय | प्रतिनिधी
भांगरभूंय । प्रतिनिधी
फोंडेंः आल्कॉन व्हिक्टर समूहांतल्या कर्मचाऱ्यांनी आनी मंगशीच्या वागळे हायस्कुलाच्या 9वे यत्तेंतल्या विद्यार्थ्यांनी बिरेस्तारा मंगेशी देवळा वाठार नितळ केलो. एकठांय केल्लो कोयर प्लास्टिक पिशव्यांत भरून दवोरला. विलो लावपा खातीर तो थळाव्या पंचायतीचे सुवादीन करतले.
मंगेशी देवळाक भेट दिवपा खातीर दिसपट्टे व्हडा संख्येन पर्यटक येतात. ताका लागून देवळाच्या वाठारांत जायते कडेन कोयराच्यो राशी जाल्ल्यो दिसतात. ताका लागून व्हो वाठार नितळ करपाचे आल्कॉन समूहाच्या अधिकाऱ्यांनी थारायलें. नितळसाण मोहिमे वेळार आल्कॉन व्हिक्टर समूहाचो संचालक वरुण आल्बुकर्क, परेश सालेलकार आनी हेर अधिकारी तशेंच जिल्हो पंचायत वांगडी दामोदर नायक हाजीर आशिल्लो.
दर तीन म्हयन्यांनी मंगेशी वाठार नितळ करतले. पर्यटक येतात तो वाठार सदांच नितळ आसपाक जाय अशें वरुण आल्बुकर्कान सांगलें. वागेळ हायस्कुलाच्या विद्यार्थ्यांनी नितळसाण मोहिमेंत वांटो घेवंन सहकार्य केलें खातीर ताणे तांचें उपकार मानले. पर्यटन थळ आशिल्ल्या मंगेशी देवळा वाठारा कडेन पर्यटन खात्यान सामकी आडनदर चलयल्या. आल्कॉन समूहान नितळसाण केली. फुडाराक अशी नितळसाण करपाची गरज आसा अशें दामोदर नायकान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
