भांगरभूंय | प्रतिनिधी
भांगरभूंय । खेळां मेज
पणजीः गोवा जीएसबी स्पोर्ट्स अॅण्ड चॅरिटेबल ट्रस्टान सारस्वत समाजाच्या सहकार्यान आयोजीत केल्ल्या आल्कॉन जीएसबी युनिटी कप क्रिकेट सर्तींत आपापले मॅचींत जैत मेळयलें. पणजी जिमखाना मैदानार जाल्ल्या ह्या मॅचींत रेंजर्सान मडगांव रॉयल्सांक 5 विकेटींनी जाल्यार सिंक रेंजर्सान अंत्रूज रायझींग स्टार्चाक 8 विकेटींनी हारयलें.
सकाळच्या सत्रांत मडगांव रॉयल्सान पयलीं खेळून 20 ओव्हरींत 142 धांवड्यो केल्या उपरांत रेंजर्सान जैताचें लक्ष्य 19.2 ओव्हरींत 5 विकेटी वोगडावन हातासलें. मडगांवच्या आदित्य दलालान सगल्यांत चड 24 धांवड्यो केल्यो. ओपनर यश प्रभुगांवकार (40) आनी अमोद बोरकार (38) हाच्या नेटार रेंजर्सान जैत मेळयलें, अमोद बोरकार मॅन ऑफ दी मॅच थारलो. दुसरे मॅचींत अंत्रूज रायझींग स्टार्साच्या बॉलरांनी सिंक रेंजर्सांत 16.2 ओव्हरींत 90 धांवड्यांत आडायलें. उपरांत 11 ओव्हरींत 2 विकेटी वोगडावन जैता खाती जाय आशिल्ल्यो त्यो धांवड्यो केल्यो. वेद म्हांबऱेन 38 आनी कॅप्टन समृद्ध भरणेन नांबाद 24 धांवड्यो केल्यो. 16 धांवड्यांत 3 विकेटी आनी नाबाद 14 धांवड्यो करपी सनथ म्हापणे मॅन ऑफ दी मॅच थारलो.
पयल्स सप्तकांच्या मॅचीं उपरांत अ गटांत म्हापशें ड्रीम क्रशर्स, डेझर्टस अॅण्ड मोअर अव्हेंजर्स आनी रेंजर्स पयले तीन सुवातेर आसात. ब गटांत सिंक रेंजर्स, नाईट आर्चर्स व अंत्रुज स्ट्रायकर्स दरेकी एका जैतान पयल्या तीन सुवातेर आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
