भांगरभूंय | प्रतिनिधी
-पीडब्ल्यूडी बदला दिलें बंंदर कप्तान खातें
पणजी : आदले मंंत्री निलेश काब्राल हांंची तीन खातीं आलेक्स सिक्वेरा हांंकां दिवपा सयत स्वता कडचे बंंदर कप्तान खातें मुख्यमंंत्र्यांनी नव्या मंंत्र्याक दिलां. हाका लागून अालेक्स सिक्वेरा हांंचे कडेन चार खात्यांंचो ताबो दिला. निलेश काब्राल हांंचे कडले भौशीक बांंदकाम खातें मात मुख्यमंत्र्यांंनी सव्ता कडेन दवरलां. आलेक्स सिक्वेरा हांंचे कडेन आतां पर्यावरण, कायदो, संंसदीय वेव्हार आनी बंंदर कप्तान ही चार खातीं आसात.
निलेश काब्राल हांंच्या राजिनाम्या उपरांंत आयतारा सांंजे आलेक्स सिक्वेरा हांंचो सोपूतविधी जालो. सोपूतविधीक तीन दीस जाले उपरांंत तांंकां खातीं दिल्यात. निलेश काब्राल हांचे कडेन आशिल्लीं खातीं अालेक्स सिक्वेरा हांंकां मेळटली, अशें संकेत मुख्यमंंत्री डॉ. प्रमोद सावंंत हांंणी दिल्लें. निलेश काब्राल हांंचे कडल्या चार खात्यांंतल्यान तीन खातीं सिक्वेरा हांंका दिल्यात. जाल्यार भौशीक बांंदकाम खातें मुख्यमंंत्र्यांंनी स्वता कडेन दवरलां. भौशीक बांंदकाम खात्याच्या बदला मुख्यमंंत्र्यांंनी बंंदर कप्तान खातें सिक्वेरा हांंका दिलां.
मुख्यमंंत्र्यांंनी जी खातीं आपणाक दिल्यात, ताचेर आपूण समाधानी आसा. खात्यांंक न्याय दिवपा सयत लोकांंक मजत करपाचो म्हजो यत्न आसतलो, अशें अालेक्स सिक्वेरा हांंणी सांंगलें.
हाचे पयली सिक्वेरा हे पर्यावरण खात्याचे मंंत्री आशिल्ले. मुख्यमंत्री डॉ. प्रमोद सावंंत हे भौशिक बांंदकाम खातें हाचे फुडें आपणा कडेन दवरतात काय दुसऱ्याक दितात, हे विशीं उमळशीक आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
