भांगरभूंय | प्रतिनिधी
पणजी : सरकारान नगर नियोजन खात्याचे मुखेली म्हूण आर. के. पंंडिता हांंची नेमणूक केल्या. तांचे कडेन मुखेल नगर नियोजक (लॅण्ड यूज) पदाचो लेगीत ताबो आसतलो. तशेंच वर्तिका डागूर हांचे कडेन मुखेल नगर नियोजक (प्रशासन आनी नियोजन) पदाचो ताबो आसतलो. हे विशींचो आदेश सरकारान जारी केला.
काय दिसांं पयलीं मुखेल नगर नियोजक राजेश नायक हांंचेर निवृत्तीच्या निमाण्या दिसा निलंंबनाची कारवाय जाल्ली. हाका लागून मुखेल नगर नियोजक पद खाली आशिल्लें. आतां खात्याचे मुखेली म्हूण आर. के. पंंडिता हांचे नेमणुकेचो आदेश जारी जाला. मुखेल नगर नियोजक पदाचेर दोन अधिकाऱ्यांंची नेमणूक जाल्या. मात दोगांं कडेन जापसालदारक्यो वेगळ्यो आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
