भांगरभूंय | प्रतिनिधी
येजमान सां जुझे दी आरियल स्पोर्ट्स क्लबान आरियल पंचायत आंतरगांव फुटबॉल सर्तीचें वस्तादपण जोडलें. पाद्रीभाट मैदानाचेर जाल्ले फायनलींत ताणें फातोड्डेंच्या डॉन बॉस्को ऑरेटरीक 2-0 अशा गोल फरकांनी हारयलो.
पुर्ण मॅचीचेर आपलो शेक दवरपी आरियल क्लबा वतीन प्रिस्टोन गोमॅण्डेस आनी बर्सल व्हिएगास हांणी दरेकी एक गोल केलो.
वैयक्तीक इनामांः डॅझी ओलिव्हेरा (फायनलींतलो उत्कृश्ट गोलकीपर, आरियल स्पोर्ट्स क्लब), क्लिंटन कार्दोझ (उत्कृश्ट डिफॅण्डर, आरियला स्पोर्ट्स क्लब), वॅल्टन डीसौझा (उत्कृश्ट मिडफिल्डर, डॉन बॉस्को ऑरेटरी), प्रिस्टन गोमॅण्डेस (फायनलींतलो पयलो गोल, आरियल स्पोर्ट्स क्लब), अॅश्ले आंद्राद (फायनलींतलो उत्कृश्ट खेळगडो, डॉन बॉस्को ऑरेटरी), अॅंथनी डीकॉस्ता (खाशेलें इनाम, आरियल स्पोर्ट्स क्लब) आनी विन्सेंट बार्बोस (डॉन बॉस्को ऑरेटरी, फातोड्डें).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
