भांगरभूंय | प्रतिनिधी
भांगरभूंय । प्रतिनिधी
दिवचलः आरसीसी वास्कोचेर 4 विकेटींनी जैत मेळोवन आरसीसी पणजी पंगडान अंडर 14 क्रिकेट सर्तीचे वस्तादपण मेळयलें. ही सर्त दिवचल क्रिकेट क्लब आनी गोंय क्रिकेट असोसिएशनाच्या जोड पालवा खाला दिवचले लाखेरे हांगा आयोजीत केल्ली.
आरसीसी पणजीन वास्कोन दिल्लें 94 धांवड्यांचें आव्हान 6 विकेटी वोगडावन पुराय केलें. जैतिवंत पंगडाक रोख पांच आनी उपजैतिवंत पंगडाक तीन हजार रुपयाचें इनाम फावो जालें. इनाम भेटवण कार्यावळीक आदलो सभापती राजेश पाटणेकार, दिवचलचो नगराध्यक्ष कुंदन फळारी, गुरुदत्त पळ, वल्लभ साळकार हाजीर आशिल्ले.
बॅट्समन आदित्य मिस्कीन (पणजी), बॉलर पार्थ संकपाळ (वास्को), मॅन आफ दी सिरिज प्रणय पेडणेकार (वास्को), प्रांजल सिंग (पणजी) फिल्डर युवराज दाभोळकार ( वास्को) हांणी इनामां मेळयली. वॉल्टर हाणे इनामां पुरस्कृत केल्ल्यांचे उपकार मानले. सचीन साळकार, अभिजित नोडा तेली, रूकुनी पेडणेकार, राजाराम चणेकार, अवधूत कडकडे, दया पेडणेकार, सिद्धेश गावठाणकार चंदन पावसकार, रामानंद नाटेकार हांणी तीं पुरस्कृत केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
