भांगरभूंय | प्रतिनिधी
तुमी जर बर्या पगाराची नोकरी सोदतात जाल्यार, ही तुमचे खातीर खूब म्हत्वाची अपडेट. कारण भारतीय रिझर्व्ह बँकेन २०२६ वर्सा कांय खाशेल्या पदां खातीर भरती करपाची घोशणा केल्या. ही संद खास करून कायदेशीर आनी तंत्रीक मळार उमेदवारां खातीर आसा. हे भरती खाला वट्ट २१ पदां खातीर अर्ज मागयल्यात. हे विशीं जाणून घेवया.
खंयच्या पदां खातीर भरती?
आरबीआयन वट्ट २१ जागा जाहीर केल्यात. हातूंत मुखेल पदां म्हळ्यार लीगल ऑफिसर ग्रेड-बी (कायदेशीर अधिकारी) ६ सुवातो, मॅनेजर (तांत्रीक सिव्हिल) २ सुवातो, मॅनेजर (तांत्रिक इलेक्ट्रिकल) १ सुवात, असिस्टंट मॅनेजर (राजभास) ४ सुवातो आनी असिस्टंट मॅनेजर (प्रोटोकॉल आनी सुरक्षा) ८ सुवातो. हीं पदां आरबीआयच्या गैर-सीएसजी (Non-CSG) विभागांत आसात.
निवड प्रक्रिया
निवड ऑनलायन परीक्षा आनी ताचे उपरांत मुलाखती वरवीं जातली. परीक्षेची तारीख साधारणपणान मार्च २०२६ त आसपाची शक्यताय आसा. उमेदवारांनी पुराय अधिसुचोवणी वाच्ची आनी फकत अधिकृत वेबसायटी वेल्यानूच म्हायती दिवची.
पात्रतायेचे मुखेल निकश
पदा प्रमाण पात्रता बदलता. लीगल ऑफिसर खातीर कायद्याची पद्वी उण्यात उणी ५०% गुणां सयत आनी उण्यात उणो २ वर्सांचो वकिलीचो अणभव गरजेचो आसा. तांत्रीक पदां खातीर अभियांत्रिकीची पद्वी (सिव्हिल/इलेक्ट्रिकल) ६०% गुणां सयत आनी ३ वर्सांचो अणभव गरजेचो. राजभास पदा खातीर हिंदी/इंग्लीशींत पद्वी/पदव्युत्तर जाय. पिरायेची मर्यादा सामान्यतः २१ ते ३०/३२/३५/४० वर्सां मेरेन आसा. उमेदवारांक आरक्षणा प्रमाण सवलत मेळटली.
अर्ज कसो करचो?
अर्ज फकत ऑनलायन पद्धतीन www.rbi.org.in हे वेबसायटीचेर करचो. मुखेल पानार “OpportunitiesRBI’ “Current Vacancies’ चेर वचात. नोंदणी करात, फॉर्माचेर सगली म्हायती भरात, फोटो-सय अपलोड करात, गरजेचीं कागदपत्रां जोडात आनी अर्ज शुल्क भरून सबमीट करात. निमाणें अर्जाची प्रिंट काडून दवरात.
अर्ज शुल्क कितलो?
सामान्य/ओबीसी/ईडब्ल्यूएस उमेदवारां खातीर ६०० रुपया, जाल्यार एससी/एसटी/पीडब्ल्यूडी उमेदवारां खातीर फकत १०० रुपया शुल्क आसा. हें शुल्क ऑनलायन (कार्ड/नेट बँकिंग) भरचें पडटलें.
अर्ज करपाची मुजत
ऑनलायन अर्ज प्रक्रिया ६ फेब्रुवारी २०२६ सावन सुरू जाल्या. उमेदवारांक २६ फेब्रुवारी २०२६ मेरेन सांजेवेळार ६ वरां मेरेन अर्ज करपाचो आसा. ही मुजत सोंपले उपरांत कसलोच अर्ज स्विकारचे ना. हाका लागून वेळार अर्ज करप गरजेचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
