भांगरभूंय | प्रतिनिधी
नवी दिल्ली, खबरां संस्थाः आरटीजीएस (RTGS) आनी एनईएफटी (NEFT) नेमान वापरपी लोकां खातीर एक बरी खबर आसा. आतां चुकीच्या खात्यांत पयशे धाडपा पसून गिरायकांक सुटका मेळटली. कारण हाचे फुडें आरटीजीएस आनी नेफ्ट वरवीं पयशे धाडटना गिरायकांक पयशे धाडपी लावार्थ्याचें नांव पळोवंक मेळटलें. ही सुविधा सुरू करपाचे निर्देश भारतीय रिझर्व्ह बँकेन देशांतल्या सगल्या बँकांक दिल्या. ही सुविधा गिरायकांक पयशे धाडचे पयलीं तें योग्य लावार्थ्यांक पयशे धाडटात कांय हाची खात्री करपाक मेळटली. हे सुविधे फाटलो हेत म्हणल्यार चुकीचो वेव्हार उणो करप.
1 एप्रील मेरेन बँकां खातीर मुजत…
मजगतीं, यूपीआय आनी आयएमपीएस वरवीं पयशे धाडटना गिरायकां कडेन लावार्थ्याचें नांव तपासपाची सुविधा पयलींच आसा. तेच प्रमाण आतां आरटीजीएस आनी एनईएफटी वरवीं वेव्हार करपी गिरायकांकय ही सुविधा मेळटली. आरबीआयन 30 डिसेंबराक हे विशीं म्हायती दिल्या. मजगतीं, आरबीआयन बँकांक 1 एप्रील 2025 मेरेन ही पद्दत चालीक लावपाचे निर्देश दिल्यात.
ही नवी सुविधा विकसीत करपाचें काम नॅशनल पेमेंट्स कॉर्पोरेशन ऑफ इंडियाक दिल्या. उपरांत बँको आपल्या इंटरनॅट बँकिंग आनी मोबायल बँकिंग प्लॅटफॉर्माचेर तें उपलब्ध करून दितली. मजगतीं, वेव्हारा खातीर बँकेंत वचपी गिरायकांकय ही सुविधा वापरूं येता.
नवी प्रणाली कशी चलतली?
आरटीजीएस वा एनईएफटी वरवीं वेव्हार करतना गिरायकांक लावार्थ्यांचो खातें क्रमांक आनी शाखेचो आयएफएससी कोड घालचो पडटलो, ताचे उपरांत लावार्थ्याचें नांव दिसतलें. योग्य लावार्थ्यांक पयशे धाडटा हाची खात्री जाले उपरांत पयशे धाडपी ताका परवानगी दितलो आनी वेव्हार पुराय जातलो. रिझर्व्ह बँकेन घेतिल्लें हें पावलाक लागून चुकीचें खातें क्रमांक वा आयएफएससी कोडाक लागून चुकीच्या लावार्थ्यांक पयशे वचचे नात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
