भांगरभूंय | प्रतिनिधी
एकोणीस वर्सां परस चड काळा पयलीं आरटीआय पद्दत सुरू जाल्ल्यान भौशीक अधिकाऱ्यांच्या वावरांत पारदर्शकता आनी जापसालदारकेची संस्कृताय रुजपाक सरकाराक मदत जाल्या.
खरें म्हळ्यार म्हायती हक्क कायदो 2005 चालीक लावप हें नागरिकांच्या हक्काची गजाल म्हूण सरकारा कडल्यान म्हायती मेळोवपाचें एक बळिश्ट साधन आसा. तशेंच सरकाराच्या कार्यावळीं विशीं नागरिकांक म्हायती दिवपाचे दिकेन हें एक व्हडलें पावल. नागरिकांक सशक्त करप, सरकाराच्या वावरांत पारदर्शकता आनी जापसालदारकी वाडोवप, भ्रश्टाचार आडावप आनी आमची लोकशाय खऱ्या अर्थान लोकां खातीर काम करपाक लावप हो आरटीआयचो मुळावो हेतू. आतां मेरेन 19 वर्सां जावन गेलीं, म्हायती हक्क कायदो 2005 चालीक लावपाक संसदेन संमत करून 15 जून 2005 दिसा भारताचे राष्ट्रपतीन मान्यताय दिल्या.
राज्य सरकाराच्या धोरणांचो आनी कार्यावळींचो प्रभावीपणान प्रचार करपी म्हायती आनी प्रसिद्धी खातें आरटीआय कायदो 2005 खातीर नोडल एजन्सी म्हणून काम करता. ताच्या सुगम आनी प्रभावी कार्यावळी खातीर गोंय राज्य म्हायती प्रशासकीय विभाग (जीएसआयसी) म्हणूनय काम करता. लोकांक बरो, बेगीन आनी पारदर्शक शासन दिवपा खातीर आरटीआय कायदो प्रभावीपणान आनी योग्य नदरेन चालीक लावपाचो यत्न करता.
जीएसआयसी जी वैधानीक संस्था आसा ती कर्मचाऱ्यांच्या वांगड्यांची आनी हेर दिसपट्ट्या पगाराची गरज पुराय करपा खातीर आयोगाक अनुदान-मदत दिवपा खातीर गरजेची अर्थसंकल्पीय तरतूद करपा सयत सगळ्यो फावो त्या सुविधांनी सज्ज आसा हाची खात्री करपा खातीर खातें पावलां सुरू करुन हेर खर्चाचें पळयतात. तशेंच भौशीक अधिकाऱ्यांक आनी म्हायती सोदप्यां खातीर म्हायतीचो स्त्रोत म्हूण वेळच्या वेळार कायद्या खाला मार्गदर्शक तत्वांचो लाभ करुन दिता.
जीएसआयसींत (एससीआयसी) आनी (एसआयसी) आसात. आतां मेरेन पांच एससीआयसी म्हळ्यार ए. वेंकटरत्नम, मोतीलाल केणी, लीना मेहेंदळे, प्रशांत तेंडुलकार आनी विश्वास सतरकार आनी स एसआयसी जी. जी. कांबळी, आफोंसो अरावजो, प्रदीप पडवळ, प्रतिमा वेर्णेंकार, जुइनो डिसोझा आनी संजय ढवळीकार हांणी पदाचो मुजत पुराय जातकच पद सोडचे पयलीं जीएसआयसींत काम केलां.
आयुक्तांनी आरोप घेतले उपरांत अपीलदार आनी कागाळदार हाचे कडल्यान अपील आनी कागाळींचो नियाळ घेता. म्हायती आनी प्रसिद्धी खातें भौशीक म्हायती अधिकाऱ्याक आरटीआय कायद्याचेर तशेंच, थळाव्या सरकारी संस्थेचे वेंचून आयिल्ले प्रतिनिधी, गिरायकी आनी समाजीक क्लबां सयत हांकां आरटीआय कायद्या विशीं तांकां प्रबुद्ध करपा खातीर आनी प्रशासनाच्या वेव्हारांत पारदर्शकताय वाडोवन तें कशे तरेन चड प्रभावी करप हाचेर कार्यशाळा घडोवन हाडपाचें काम प्रशासन करता.
हाचे भायर आरटीआय ऑनलायन पोर्टल कसो चलोवप आनी कशे तरेन ताचो वापर करप हाचे विशीं फावो तें गिन्यान दिवपाच्या हेतान खात्यान सगळ्या पीआयओ, सहाय्यक भौशीक म्हायती अधिकारी आनी सरकारी विभाग, स्वायत्त संस्था आनी म्हामंडळांचे नोडल अधिकारी प्रशिक्षण कार्यावळ घडोवन हाडटा. खात्यान सुरू केल्ल्या ह्या ऑनलायन पोर्टलाक (www.rtionline.goa.gov.in) नागरिकांक आरटीआय अर्ज ऑनलायन भरप, पयलें अपील आनी तशेंच आरटीआय शुल्क ऑनलायन फारीक करपाक सुविधा उपलब्द करुन दिला.
राष्ट्रीय म्हायती केंद्र गोंय हांणी 3 दिसांचें प्रशिक्षण घेतिल्ले तातूंत पीआयओ, एपीआयओ आनी नोडल अधिकारी सयत 1200 मेरेन अधिकाऱ्यांनी कार्यावळींत वांटो घेतलो. हें प्रशिक्षण स बॅचांनी घेतिल्लें आनी हाका व्हड प्रतिसाद मेळ्ळो.
निसंशयपणान मानादीक सर्वोच्च न्यायालयाच्या निर्देशा प्रमाण सुरू केल्ल्या आरटीआय ऑनलायन पोर्टला वरवीं भौशीक कार्यालयांक भेट दिनासतना आरटीआय कायद्या खाला म्हायती घेवपाक तयार आशिल्ल्यांचो वेळ आनी उर्जा वाचोवपाच्या हेतून हो पोर्टल तयार केलो.
प्रकाश स. नायक
म्हायती अधिकारी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
