भांगरभूंय | प्रतिनिधी
-दोनूय काँग्रेसीच्या उमेदवारां कडल्यान स्पश्ट
पणजी: अजुनूय वेळ जावंक ना. देखून रिव्हाॅल्युशनरी गोवन्स पक्षान (आरजी) अापले दोनूय उमेदवार फाटीं घेवचे आनी काँग्रेसीच्या उमेदवारांक तेंको दिवचो आनी केंद्रांत भाजपा सरकाराक हारोवपा खातीर इंडी आघाडीक तेंको दिवचो अशी आमी आरजीपीच्या फुडाऱ्यां कडल्यान मागणी करतले. अशें रमाकांत खलप आनी दक्षीण गोंयचो उमेदवार कॅ. विरियातो फर्नांडीसान स्पश्ट केलें.
सोमारा प्रुडंट मिडिया न्यूज चॅनलाचेर ‘हेड ऑन’ कार्यावळींत ते उलयताले.लोकसभेंत गोंयचें फुडारपण करपाक शकतले अशे फुडारी आरजीपीचे अजून तयार जावंक नात. गरज नासतना लोकसभेचे वेंचणुकेंत उमेदवार उबे केल्यात. काँग्रेसीचीं मतां फोडून भाजपाचो फायदो मेळोवपा खातीर तांणी उमेदवार उबे केल्यात. पूण, वेळ अजुनूय वचूंक ना, अशें अॅड. रमाकांत खलप हांणी सांगलें.
गोंयचे लोक हे खेपे भाजपाक हारोवपाचे आसात. देखून मतदार आरजीपीक मत दिवन आपलें मत फुकट घालोवचें नात. देखून आरजीपीन आपले उमेदवार फाटीं घेवन आमकां तेंको दिवप आनी भाजपाक हारोवपा खातीर भारतीय युती घटमूट करप म्हत्वाचें अशें विरियातो फर्नांडीस हाणें म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
