भांगरभूंय | प्रतिनिधी
भांगरभूंय । प्रतिनिधी
दिवचलः मयेंचो आमदार प्रेमेंद्र शेट हाच्या वाडदिसा मयें मतदारसंघातल्या पंचायत वाठारांतल्या लोकांनी भाजपांत प्रवेश केलो. तातूंत मये पंचायतीचो वांगडी आनी रिव्होल्युशनरी गोवन्साचो वांगडी विशांत पेडणेकाराचो आसपाव आसा. पिळगांवचे उमाकांत परब गांवकार, चेतन खोडगिणकार, शर्मिला वालावलकार, वर्षा गडेकार, सागर परवार, मिथील गांवस हांणी भाजपांत प्रवेश केला.
प्रेमेंद्र शेट, मयें भाजपा मंडळ अध्यक्ष दया कारबोटकार, प्रेमानंद म्हांबरे, राजाराम च्यारी, महेश सावंत ह्या पक्ष प्रवेशा वेळार हाजीर आशिल्ले. भाजपा सगळ्यांक आसपावन घेवपी पक्ष आसा. सगल्यांक वांगडा घेंवंन आमकां फुडें वचपाचें आसा अशें प्रमेंद्र शेट हाणे ह्या वेळार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
