भांगरभूंय | प्रतिनिधी
दुबयंत उद्देजक, वेवसायिकां कडेन सादलो संवाद
पणजी: आयुर्वेदीक उपचार पद्दत ही फक्त परंपरीक उपचार पद्दत न्हय जाल्यार दुयेंसाक प्रतिबंद करपा सयत दुयेंसाचेर उपचार करपा खातीरची ती एक प्रभावी पद्दत आसा. हे पद्दतीचो हाचे मुखार आनीक विस्तार जातलो अशें मुख्यमंत्री डॉ. प्रमोद सावंत हांणी सांगलें. दुबय हांगा आयुश परिशदेंत ते उलयताले.
मुख्यमंत्री डॉ. प्रमोद सावंत हांणी मंगळारा आयुश परिशदेंत वाटो घेतलो. ह्या वेळार केंद्रीय मंत्री प्रतापराव जाधव हाजीर आशिल्ले. देवळाक भेटी दिवपा सयत आयुश परिशदेंत तांणी वांटो घेतलो. आयुर्वेद आनी हेर उपचार पद्दती एकठांय करून उपचार करपाची प्रक्रिया सुरू जाल्या. प्रधानमंत्री नरेंद्र मोदी हांच्या फुडारपणा खाला देशांत आयुर्वेदीक उपचार पद्दतीचो विस्तार जायत आसा. गोंयांत उपचारां सयत आयुर्वेद उपचार पद्दतीचेर संशोधन सुरू आसा, अशें मुख्यमंत्री डॉ. प्रमोद सावंत हांणी सांगलें.
उपरांत मुख्यमंत्री डॉ. प्रमोद सावंत हांणी आयबीपीसी बसकेंत उद्देजकां कडेन संवाद सादलो. स्वयंपूर्ण गोंय मोहिमे खाला गोंय हे संवसारीक वेवसायाचें म्हत्वाचे थळ म्हूण तयार जाता, अशें मुख्यमंत्र्यांनी ह्या वेळार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
