भांगरभूंय | प्रतिनिधी
नोयडा, खबरां संस्था: मुंबयच्या एका मनशाक आयस्क्रीमींत मनशाचें बोट मेळ्ळे उपरांत फाटल्या कांय दिसां सावन आयस्क्रीम हो चर्चेचो विशय जावन पडला. हो घोटाळो उजवाडाक आयले उपरांत नोयडा हांगाय अशेंच कितें तरी घडलें. नोयडाचे एके बायलेन ऑनलायन आयस्क्रीम ऑर्डर केली. पूण आयस्क्रीमेचें बॉक्स उगडटांच तिका धक्को बसलो. तें पळोवन घरांतूय बोवाळ जालो.
ही बायल नोयडा सेक्टर १२ हांगा रावता. शेनवारा सकाळीं तिणें ब्लिकईटा कडल्यान आयस्क्रीम ऑर्डर केल्ली. आयस्क्रीमेच्या डब्याचें धाकणें उगडटांच तिका आयस्क्रीमींत एक किडो दिसलो. हें पळोवन तिच्या घरांत बोवाळ जालो. उपरांत ते बायलेन आयस्क्रीम ऑनलायन ऑर्डर केल्ल्या अॅपा कडेन कागाळ केली. मालाडांत आयस्क्रीमेंत मनशाचें बोट मेळ्ळे उपरांत रोखडीच ही घडणूक उजवाडाक आयली.
कितें आसा हें प्रकरण?
दिपा हांणी सांगलें, भायर गरमी आशिल्ल्यान भुरग्यांनी आयस्क्रीम खावपाचो आग्रो धरलो. देखून तिणें अमुलाचें व्हॅनिला पॅक १९५ रुपयांक विकतें घेतलें. पूण तें उगडटना तातूंत एक किडो वळवळटा तें पळयलें. उपरांत तिणें रोखडीच फूड डिलिव्हरी अॅपाचेर कागाळ केली. ते उपरांत तांकां आयस्क्रीमीचे पयशे परत (रिफंड) मेळ्ळे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
