भांगरभूंय | प्रतिनिधी
उद्देगमंत्र्यान दिल्ले जापेंतल्यान म्हायती
भांगरभूंय । प्रतिनिधी
पणजीः राज्य गुंतवणूक उर्बा मंडळान (आयपीबी) फाटल्या सात वर्सांत 103 प्रकल्पांक मंजुरी दिल्या. तातूंतले 13 प्रकल्प चालू आसात. तातूंत 1,093 गोंयकार कामगार काम करतात, अशी म्हायती उद्देगमंत्री मॉवीन गुदिन्हो हांणी विधानसभेंतल्या लेखी प्रस्नाक दिल्ले जापेंतल्यान मेळ्ळ्या. आमदार अॅड. कार्लोस फेरेरा आनी जेनिफर मोन्सेरात हांणी हे संबंदांतलो प्रस्न विचारिल्लो. 2019 सावन आतां मेरेन ‘आयबीपी’च्यो वट्ट 14 बसका जाल्यो. तातूंत वट्ट 103 प्रकल्पांक मंजुरी दिली. तातूंतले 13 प्रकल्प सुरू जाल्यात, 19 प्रकल्पांचें काम चालू आसा. चालू जाल्ल्या प्रकल्पांतल्यान 2,564 जाणांक रोजगार मेळ्ळे आनी तातूंत 1,093 गोंयकार आसात, अशें मंत्री गुदिन्हो हांणी जापेंत सादर केल्ले आंकडेवारींतल्यान दिसून येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
