भांगरभूंय | प्रतिनिधी
म्हापशेंः आयपीएल मॅचींचेर बेटिंग करपी दातला वर्मा (३७) आनी वेजंदला संबशिवा राव (३६, दोगूय आंध्रप्रदेश) हांकां कळंगूट पुलिसांनी सिकेरी धरले. तांचे कडले १० मोबायल फोन, लॅपटॉ मेळून ९५ हजारांचो म्हाल जप्त केला.
कळंगुट पुलिसांक मेळिल्ले गुप्त म्हायतीचेर आदारून सापळो घालून ही कारवाय केली. ह्या कारवायेत पुलिसांनी आरोपीं कडल्यान 10 मोबायल फोन, एक लॅपटॉप आनी वट्ट 95 हजारांच्यो वस्तू जप्त केल्यांत. आरोपी आयपीएल मॅचींचेर वेगवेगळे मोबायल अॅप्लिकेशनां आनी डिजिटल प्लॅटफॉर्म वापरून सट्टेबाजी करताले अशें पुलिसांच्या चवकशेंतल्यान स्पश्ट जालां.
ह्या प्रकरणांत कळंगुट पुलिसांनी संबंदीत कायद्या खाला गुन्यांव नोंद करून फुडली चवकशी सुरू केल्या. आयपीएल हंगामांत सट्टेबाजी सक्रीय जायत आशिल्ल्यान पुलिसांनी बारीक नदर दवरून अशा बेकायदेशीर कामांचेर खर कारवाय करपाची शिटकावणी दिल्या.
तेच बरोबर गोंय गुन्यांव फांट्यान वेर्णा, नागवा (साश्टी) आनी पणजे चलपी ऑनलायन बेटिंग उक्तडार हाडलें. ह्या वेळार 30 जाणांक अटक केली. ताचें कडल्यान 10 लाखांचें सामान जप्त केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
