भांगरभूंय | प्रतिनिधी
पणजी: हांगाच्या एका हॉटेलांत केल्ले धडक कारवाये मजगतीं, पणजी पुलिसांनी आयपीएलाचेर ऑनलायन सट्टो घेवपी चवगांक अटक केली. ही कारवाय ११ एप्रिलाक रातच्या १०.२० वरां सावन ते १२ एप्रिल दनपरां १.३० मजगतीं केली.
मनीषकुमार अशोककुमार कृश्नानी (३९), गोपाळबाई जामनदास कोक्रा (४५), संदीप इंदरबाई पंजवानी (३०) आनी जितेंद्र चंदूलाल करमानी (३६) ह्या गुजरातच्या अहमदाबाद आनी गांधीनगरच्या चार आरोपींक धरले. रंगेहाथ पकडले. तांच्या ताब्यांतल्यान ६ मोबायल, १ लॅपटॉप आनी हेर सामान मेळून सुमार ४.१० लाखांचो माल जप्त केलो.
उत्तर गोवा अधीक्षक अक्षत कौशल, उपअधीक्षक सुदेश नायक हांच्या मार्गदर्शना खाला आनी पणजी पुलीस निरीक्षक विजयकुमार चोडणकार हांचे देखरेखी खाला, पुलीस उपनिरीक्षक साहिन शेट्ये आनी पंगडान ही कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
