भांगरभूंय | प्रतिनिधी
खबरां संस्था
मुंबयः भारतीय क्रिकेट नियामक मंडळान (बीसीसीआय) पयलेच फावट बायलांच्या इंडियन प्रीमियर लीग क्रिकेट सर्तींचें आयोजन केल्ल्यान आयपीएलाचोअंदूचो 16वो सिझन आतां मार्च म्हयन्यांत पारंपरीक वेळा परस 7 -8 दीस उसरां सुरू जावपाची शक्यताय आसा. टी-20 संवसारीक करंड सर्त सोपतगीर क्रिकेट मोगींचें लक्ष आयपीएलाचेर लागिल्लें आसता.
मीडिया खबरे प्रमाण बायलांच्या आयपीएलाचें उक्तावण 3 मार्चाक जातलें. सर्तीची फायनल मॅच 26 मार्चाक जातली. ताका लागून दादल्यांची आयपीएल ते उपरांत 7-8 दिसां उपरांत सुरू जातली. घडये एप्रील म्हयन्यांत ही सर्त सुरू जावपाची शक्यताय आसा. ताचे पयलीं 23 डिसेंबराक आयपीएल 2023 खातीर खेळगड्यांची पावणी जातली. विशेश म्हणल्यार दादले आनी बायलांची आयपीएल सर्त भारतांत जातली.
बायलांच्या टी-20 संवसारीक करंड सर्तीचे फायनली उपरांत एक सप्तका उपरांत बायलांची आयपीएल सुरू जातली. टी-20ची फायनल 26 फेब्रुवारीक केपटावनांत जातली. बीसीसीआयन अजून तारीख जाहीर केली नासली ती बीसीसीआय बायलांच्या आयपीएलाची पयलेच फावट आयोजन करता.. हे सर्तींत शारांचेर आदारीत न्हय जाल्यार विभांगाचेर आदारीत पंगडांचो सोद घेता. दरेक पंगड एका विशीश्ट प्रदेशाचें प्रतिनिधीत्व करतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
