भांगरभूंय | प्रतिनिधी
लोककलाकार सुरेखा नायक हांचो करतले भोवमान
पणजीः कुंबारजुयेंच्या श्री शांतादुर्गा सांस्कृतीक मंडळ आनी गोंय कोंकणी अकादेमीच्या जोडपालवान आयतार ता. 5 मार्चाक कुंबारजुयेंच्या श्री राम देवाळाच्या वाठारांत फुगडी कार्यशाळेचें आयोजन केलां. हे कार्यशाळेचें उक्तावण सकाळीं 10 वरांचेर जेश्ठ फुगडी, नाटक, भजन, दिंडी आनी लोककलाकार सुरेखा सुरेश नायक हांचे हस्तुकीं जातलें. ह्या वेळार माचयेर गोवा कोंकणी अकादेमीचे उपाध्यक्ष वसंत सावंत, जेश्ठ लेखक आनी लोककलेचे अभ्यासक कमलाकर म्हाळशी, कुंबाजुयेंचे सरपंच विक्रम परब, पंच सुधीर फडते आनी राम देवस्थानाचे अध्यक्ष सुरज तारी हाजीर आसतले.
उपरांत सकाळीं 10.30 वरांचेर पयल्या सत्रांत कमलाकर म्हाळशी मार्गदर्शन करतले. जाल्यार दुसर्या सत्रांत विनायक आखडकार, तिसर्या सत्रांत अनिता कुंडयकार, चोवथ्या सत्रांत दुर्गाकुमार नावती मार्गदर्शन करतले.
सांजेच्या 4 ते 6 वरां मजगतीं फुगडी पंगड फुगडी सादर करतलें.
उपरांत समारोप सुवाळ्यांत लोककलाकार सुरेखा सुरेश नायक हांचो मानेस्तां हस्तुकीं भोवमान जातलो. ह्या वेळार उद्योजक लक्ष्मण (बाबू) रायकार मुखेल सोयरे म्हूण हाजीर आसतले. तशेंच मानाच्यो सायर्यो म्हणून ज्येश्ठ फुगडी आनी लोकनाच कलाकार अनिता कुंडयकार, शांतादुर्गा सांस्कृतीक मंडळाचे अध्यक्ष प्रशांत भांडारी, पंच सुधीर फडते आनी श्री राम देवस्थानाचे अध्यक्ष सुरज तारी हाजीर आसतले.
कार्यावळीचें सुत्रसंचालन गोविंद भगत आनी मंडळाचे सचीव चंद्रशेखर फडते करतले.
हे कार्यावळीक व्हडा संख्येन वांटेकार जावचे असो उलो सचीव चंद्रशेखर फडते हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
