भांगरभूंय | प्रतिनिधी
गोंयांत नाल्ला बगर जगप कठीणूच. गोंयच्या रुचीक जेवणाक जावं हेर खंयच्याय म्हत्वाच्या कामाक, मागीर तें देवकार्य आसूं वा भोवमान सुवाळो नाल्ल जायच. तशेंच नाल्लाचो दरेक भाग भोव उपेगी थारता. सदचे जिणेंत नाल्लाची कातली, उदक, कांथो हाचो उपेग व्हडा प्रमाणांत गोंयकार करतात. नाल्लाचो फायदो फकत जेवणाची रुच वाडोवपा खातीर न्हय तर भलायके खातीरय जाता.
पूण जायते फावटीं एक प्रस्न उप्रासता तो म्हळ्यार नाल्ल सुको वा ओलो, खंयचो बरो? आयज संवसारीक नाल्ल दिसा निमतान ताची योग्य जाप सोदून काडुया. कल्पवृक्ष म्हणपी नाल्लाचो २ सप्टेंबराक ‘संवसारीक नाल्ल दीस’ म्हूण मनयतात. आशियाई पॅसिफीक देशांनी हो दीस व्हडा प्रमाणांत मनयतात. आग्नेय आशियांत नाल्लाचेंसगळ्यांत चड उत्पादन जाता.
ताज्या नाल्लाच्या उदकांत इलॅक्ट्रॉलायट भरपूर प्रमाणांत आसतात. जें कुडीक हायड्रेटेड रावपाक आदार करता. ताज्या, ओल्या नाल्लांतय फायबराचें प्रमाण सगळ्यांत चड आसता. जें पचन बरे जावपाक आदार करता. तातूंत क, ई व्हिटामीन आनी जायतीं पुश्टीक तत्वांय सांपडटात. ताज्या नाल्लांत आशिल्ले अँटीऑक्सिडेंट हेर दुशीत पदार्थां पसून कुडीची राखण करतात. हाका लागून कुडींतली उर्जेची पातळी वाडपाक आदार जाता. सुक्या नाल्लानूय व्हडा प्रमाणांत प्रोटीन आसता. सुको नाल्ल स्नायू निरोगी दवरपाक आदार करता. तातूंत लोखण भरपूर आसता आनी जें एनिमिया पसून वाटयता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
