भांगरभूंय | प्रतिनिधी
मंत्री सुभाष फळदेसाय आयकतले लोकांच्यो समस्या
भांगरभूंय । प्रतिनिधी
पेडणें: मुख्यमंत्री डॉ. प्रमोद सावंत हांचे सुचोवणे प्रमाण गोंयांतल्लया दरेका पंचायत वाठारांत चलो पंचायत मोहिमेक सुरवात जाल्या. सोमारा 4 मार्चाक मंत्री सुभाष फळदेसाय मांद्रें मतदारसंघांतल्या सगळ्या पंचायतींची भोंवडी करतले आनी लोकांच्यो समस्या आयकून घेतले. ह्या वेळार थळावे आमदार जीत आरोलकार हाजीर रावतले. सकाळीं 10 वरांचेर तुयें आनी ते उपरांत विर्नोडें पंचायती फळदेसाय भेट दितले. 11.30 वरांचेर मांद्रें आनी ते उपरांत मोरजी पंचायतीक मंत्री भेट दितले. दनपारां 3 वरांचेर हरमल, पालयें आनी केरी तेरेखोल अश्या पंचायतींक मंत्री फळदेसाय भेट दितले. हे कार्यावळीक व्हड संख्येन त्या त्या वाठारांतल्या लोकांनी आनी पंचायत मंडळांनी हाजीर रावचें, अशें आमदार जीत आरोलकार हांणी कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
