भांगरभूंय | प्रतिनिधी
खबरां संस्था
दुबयः भारताक पाकिस्ताना कडल्यान हार खावची पडली. ती विसरून भारतीय पंगडाक आशिया कप सर्तींतलें आपलें आव्हान तिगोवन दवोरपा खातीर मंगळाराक (6 सप्टेंबर) श्रीलंकेक हारोवचें पडटलें. ही मॅच जिखल्यार भारतीय पंगडाचो फायनलींत पावपाचो मार्ग मेकळो जातलो.
भारताक पाकिस्ताना कडल्यान हार खावपी पडली. कॅप्टन रोहीत शर्मा आनी कोच राहुल द्रविडान केल्ले प्रयोगाक लागून ही मॅच भारताक वगडावची पडली अशें म्हणटात. श्रीलंकेक हारावपाचें आसल्यार तांणी पंगडात प्रयोग करपाचें बंद करपाक जाय. पाकिस्ताना आड भारत पांच बॉलरांक घेवन खेळ्ळो. मात तातूंत तीन स्पिनरांचो आसपाव केल्लो. हो प्रयोग भारताक भुजलो.
आर आश्विना सारको अणभवी खेळगडो आसतना ताका पंगडांत सुवात दिली ना. रोहीत, द्रविडान परत असले प्रयोग केल्यार तांकां आनीक एक हाऱ खावची पडपाक शकता. श्रीलंके आड भारतीय वेवस्थापनाची रणनिती कितें आसतली हें सगल्यांत म्हत्वाचें आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
