भांगरभूंय | प्रतिनिधी
मुख्यमंत्री प्रमोद सावंत करतले उक्तावण
भांगरभूंय । प्रतिनिधी
दिवचल : कोंकणी भाशा मंडळ- गोंय, युवा जैतीवंत- दिवचल आनी नारायण झांट्ये वाणिज्य महाविद्यालय- सर्वण, दिवचल हांच्या जोडपालवान शेनवारा 25 जानेवारी आनी आयतार 26 जानेवारीक 26 वो गोवा युवा महोत्सव जाता.
उक्तावण सुवाळो 25 जानेवारीक सकाळीं 10.30 वरांचेर झांट्ये महाविद्यालयांत जातलो. मुखेल सोयरे म्हूण मुख्यमंत्री डॉ. प्रमोद सावंत हाजीर आसतले. मयें मतदारसंघाचे आमदार प्रेमेंद्र शेट मानाचे सोयरे आसतले.
26 जानेवारी दिसा सांजेच्या 5 वरांचेर समारोप सुवाळो जातलो. ह्या वेळार मुखेल सोयरे म्हूण प्रवीण झांट्ये (अध्यक्ष, झांट्ये ब्रदर्स एज्युकेशनल फावंडेशन) हाजीर आसतले. मानाचे सोयरे म्हूण राजभाशा संचलनालयाचे संचालक प्रशांत शिरोडकार हाजीर रावतले.
सगल्यांनी ह्या सुवाळ्याक हाजीर रावचें, असो उलो डॉ. चंद्रकांत शेट्ये (येवकाराध्यक्ष), कलानंद कामत बांबोळकार (कार्याध्यक्ष), रत्नमाला दिवकार (भाशा मंडळ अध्यक्ष) आनी तन्वी पळ (मुखेल संयोजक) हांणी मारला.
विवीध कार्यावळी
पयलो दीस – 25 जानेवारी : नमन (पंगड आनी शिक्षणीक संस्था) – सकाळीं 9.30 ते 10.30 (सर्ती दिसा सकाळीं 9.15 वरां मेरेन नोंदणी केल्ल्या पंगडांकूच सर्तींत वांटो घेवंक मेळटलो). उक्तावण सुवाळो सकाळीं 10.30 ते 11.30. मुखेल माची : लोकमांड- सकाळीं 11.30 ते दनपारां 2 मेरेन, आयलें तशें गायलें (ट्रियो), दनपारां 2 ते सांजे 4 (फकत पंगड), कोंकणी पॉप, सांजवेळा 4 ते सांजे 6 वरां मेरेन.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
