भांगरभूंय | प्रतिनिधी
पणजी: हवामान खात्यान आयज राज्यांतल्या कांय वाठारांनी वादळी वाऱ्या सयत घोग्यांनी पावसाची शक्यताय उक्तायल्या. ते प्रमाण खात्यान रेड अलर्ट जारी केला. ह्या मॉन्सून हंगामांतलो हो दुसरो खेपे रेड अलर्ट आसा. तशेंच 24 ते 26 जून मजगतीं, उटंगाराची शक्यताय आसा. ह्या तीन दिसां खातीर ऑरेंज अलर्ट जारी केला. राज्यांत 24 वरांत सरासरी 1.88 इंच पावसाची नोंद जाल्या. शेनवारा कांय वाठारांनी पावसान नेटान हजेरी लायिल्ल्यान झाडां पडून लुकसाण जावपाच्यो घडणुको घडल्यो. खात्यान दिल्ले म्हायती प्रमाण 24 वरांत सांगें 5.37 इंच, काणकोण आनी केपें दरेकी 2.37 इंच, वाळपय 2 इंच, फोंडें 1.80 इंच, म्हापशें 1.45 इंच, पेडणें 1.30 इंच, दाबोळे 1.24 इंच पावसाची नोंद जाल्या.
शेनवारा पणजे चडांत चड 29.9 अंश जाल्यार उण्यांत उणें 25 अंश सेल्सिअस तापमानाची नोंद जाल्या. मुरगांवां चडांत चड 31.8 अंश जाल्यार उण्यांत उणें 24.8 अंश सेल्सिअस तापमान आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
