भांगरभूंय | प्रतिनिधी
-पूण कसलोच अलर्ट जारी करूंक नाश्रीलंके लागसार तयार जाल्ल्या चक्रीवादळाक लागून गोंयांत शुक्रारा ढगाळ वातावरण आशिल्लें. कांय वाठारांनी तुरळक पावस पडिल्ल्याची नोंद जाल्या. आयज (16 नोव्हेंबर) गोंयांत तुरळक पावस पडपाची शक्यताय हवामान खात्यान उक्तायल्या. पूण कसलोच अलर्ट जारी करूंक ना. 17 ते 21 नोव्हेंबर ह्या काळांत हवामान कोरडे उरपाची शक्यताय आसा.
शुक्रारा राज्यांतलें तापमान मात्शें देंवलें. जाल्यार मुरगांवां चडांत चड तापमान 34.4 अंश सेल्सियस आशिल्लें. पणजेचें उण्यांत उणें तापमान 1.8 अंश वाडून 24.4 अंश सेल्सियस जालें. जाल्यार मुरगांवां उण्यांत उणें तापमान 24 अंश सेल्सियस आशिल्लें. फुडले चार दीस चडांत चड तापमान 34 अंश सेल्सियस मेरेन पावतलें असो अदमास हवामान खात्यान उक्तायला.
राज्यांत 24 वरांत सरासरी 24.1 मिमी. पावसाची नोंद जाल्या. सांगें 50.1 मिमी., सांखळे 49.4 मिमी., केप्यां 45 मिमी., काणकोणां 44.2 मिमी. पावसाची नोंद जाल्या. 1 ऑक्टोबर ते 15 नोव्हेंबर ह्या काळांत राज्यांत सरासरी 14.74 इंच पावस पडला. अंदूं आडवेळ्या पावसाचें प्रमाण 101.5 टक्क्यांनी चड आसा. मजगतीं, सांखळे सगळ्यांत चड 21.07 इंच पावस पडला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
