भांगरभूंय | प्रतिनिधी
भांगरभूंय। प्रतिनिधी
दिवचलः गोंय, महाराष्ट्र आनी कर्नाटकांत फामाद आशिल्लो साळांतल्या गडे उत्सवात आयच्यान (मंगळार) सुरवात जातली. फुडले णव दीस त्या निमतान तरेकवार धर्मीक आनी सांस्कृतीक कार्यावळी जातल्यो. गडे उत्सवाक लागपी 60 फूट लांब आंब्याचें झाड साळच्यान 30 किलोमीटर पयस आशिल्ल्या कुंब्रल- दोडामार्ग हांगच्यान वामन वासुदेव नायक हांच्या बागायतींतल्यान हाडलां.
साळांतली होळी फकत आमो, पणस ना जाल्यार भिंडाची लागता. रातीं 8 तें 9 वाजपाच्या सुमाराक ती मिरवणुकेन महादेऴ देवळा कडेन हाडून मध्यान रातीं फोण मारून उबी करतात. सिद्धेश्वर देवळा कडल्यान धोळ-ताशे वाजोवन होळी उत्ववाक सुरवात जाता.गड्यांचो अवसर आयल्या उपरांत होळेक पांच फेरयो मारतात आनी दोंगरा पलतडी करयेश्वर मळार करुल्या हाडपा खातीर ग़डे वतात. वाटेर देंवचार तांका येवकार दिवपा खातीर चुडी पेटोवन उबो आसता. ताच्या उजवाडांत धवें धोतर न्हेसल्ले गडे दोंगोर चडून करुया आशिले सुवातांनी वतात. केन्नाय देवस्थानाचे सुवाते वयल्यान धांवपाक लागतात.
गडे उत्सव फांतोडेर साडेचार मेरेन चलता. उपरांत बाबरेश्वर, घवनाळेश्वर, आम्यांनी, काजरेश्वर, पातळोश्वर भूमिाक देवळ हांगा गडे पडटात. माडयेश्वर आपले सुवातेर हे गडे रातभर जोतें घालनास्तना काट्यांकुट्यांनी फिरतात मात तांच्या पांयाक कांयच जायना. सातव्या दिसा घोडेमोडणी जाल्या उपरांत रातीं चवाटेश्वर देवळांत उस्तवाचो समारोप जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
