भांगरभूंय | प्रतिनिधी
संवसारीक वन डे क्रिकेट सर्तीक आयच्यान सुरवात जाता. उक्तावणाची मॅच हांगाच्या नरेंद्र मोदी आंतरराष्ट्रीय स्टेडियमाचेर सध्याचो वस्ताद इंग्लंड आनी उप वस्ताद न्युझिलॅण्ड ह्या पंगडां मदीं जातली.
इंग्लंडाचो पंगड सध्या फॉर्मांत आसा. जाल्यार दुसरे वटेन न्युझिलॅण्डान सरावाच्या मॅचींनी पाकिस्तान आनी दक्षीण आफ्रिका ह्या पंगडांक हारयल्यात. पूण, इंग्लंडा सारक्या बळिश्ट पंगडा आड न्युझिलॅण्डा मुखार दोन व्हड समस्या आसतल्यो. मुखेली केन विलियम्सन आनी टीम सावथी हे आयचे मॅचींत खेळचे नात. विलियम्सन धोंपराचे दुखापतींतल्यान अजून पुर्ण बरो जावंक ना. दुसरे वटेन सावथीच्या आखाण्याक दुखापत जाल्या.
इंग्लंडाचो पंगड अंदूंचे सर्तींत लेगीत किताबाचो मुखेल दावेदार दिसता. ताचे कडेन जॉस बटलर, बेन स्टोक्स, बॅयरस्टो आनी लिम लिव्हिंगस्टोन सारके मॅच जिखून दिवपी खेळगडे आसात. बेन स्टोक्सान संवसारीक सर्ती खातीर निवृत्ती फाटीं घेतल्या. पूण, आयचे मॅचींत ताचो खेळपा विशीं दुबाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
