भांगरभूंय | प्रतिनिधी
लवादाचे उपाध्यक्ष महाविर सिंह हांची म्हायती
पणजीः आयकर अपील लवादांत गोंयचीं सुमार 400 प्रकरणां प्रलंबीत आसात. लवाद म्हयन्याक सुमार 70- 80 प्रकरणां निकालांत काडटा, अशी म्हायती आयकर अपीलीय लवादाचे उपाध्यक्ष महावीर सिंह हांणी दिली.
आयकर अपीलीय लवादान अखील भारतीय वांगडी परिशद घडोवन हाडटले. हे विशीं म्हायती दिवपा खातीर लवादाच्या वांगड्यांनी पणजे पत्रकार परिशद आफयल्ली. ह्या वेळार लवादाचो उपाध्यक्ष महावीर सिंह, आर. के. पांडा, प्रशांत महर्षी आनी वांगडी अमित शुक्ला हजर आसले.
ह्या वेळार उलयतना सिंह हांणी सांगलें, लवादांत गोंयचीं सुमार 400 प्रकरणां आडकून आसात. दर म्हयन्याक सुमार 66 ते 77 प्रकरणां लवाद निकालांत काडटा. खात्यांनी दाखल केल्ली अपील, चुकीची आयकर फायल करप, आयकर आयुक्तान दिल्ल्या आदेशांक आव्हान हें लवादांत दिता. दर म्हयन्याक 6 टक्के नव्या प्रकरणांत वाड जायत आसा, अशी म्हायती सिंह हांणी दिली.
जाल्यार देशांत 10 वर्सां पयलीं 40 लाख परस चड प्रकरणां लवादांत प्रलंबीत आशिल्लीं. तो आतां निकालांत काडून फक्त 3 लाख प्रकरणां आतंा प्रलंबीत उरल्यांत. ते भायर वाडटें कर वादांक लवादांत नवी प्रकरणां येत आसात, अशें सिंह हांणी म्हणलें.
जे केंद्राचे सरळ आयकर आसा ते लवाद हातळटा. जे नागरी वा राज्याचे कर आसात ताचो कसलोच संबंध लवादाकडे येना. आमचो लवाद केंद्रीय कायद्या प्रमाण सरळ कर विशयाचेर लोकांमदीं जागृताय करता, अशें अमित शुक्ला हांणी सांगलें.
मजगतीं आयकर अपीलीय लवादांत ही अर्द न्यायीक संस्था 12 आनी 13 जुलय मजगतीं मेरीयॉट रिसोर्ट गोंय हांगासर अखील भारतीय वांगड्या खातीर दोन दिसांची परिशद घडोवन हाडटले. हे परिशदेंत नव्या आयकर कायद्या विशीं चर्चा करून वांगड्यांमदीं जागृताय जातली, अशें सिंह हांणी सांगलें.
महाराष्ट्राचे राज्यपाल सी. पी. राधाकृष्णन हे मुखेल सोयरे, केंद्रीय कायदो आनी न्याय राज्य मंत्री अर्जुन राम मेघवाल, मुंबय उच्च न्यायालाचे न्यायमुर्ती आश्विन दामोदर भोबे आनी देशाचे सोलिसिटर जनरल तुशार मेहता हे मानाचे सोयरे म्हण हजर आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
