‘आयएसएसां’त वचपी ते पयले भारतीय थारतले

भांगरभूंय | प्रतिनिधी

नवी दिल्ली, खबरां संस्था ः नासाच्या एक्सियम मिशन 4 (Exium Mission 4) खातीर पायलट म्हणून भारतीय वायुसेनेचो अधिकारी शुभांशु शुक्ल हांची निवड जाल्या. रोखडेंच ते स्पेसएक्स ड्रॅगन अंतराळयान घेवन आंतरराष्ट्रीय अंतराळ केंद्रांत (आयएसएस) वतले. आयएसएसांत वचपी शुभांशु हे पयले भारतीय आसतले. हें मिशन 14 दीस चलतलें. हाचे खाला संशोधन जातलें. शुभांशु इस्रोच्या गगनयान मिशना खातीर प्रशिक्षण घेता.
पेगी व्हिटसन ह्या मिशनाचें फुडारपण करतले. शुभांशु पायलट आसतले. तांच्या बरोबर मिशन विशेशतज्ञ स्लावोज उझनान्स्की-विस्नीव्स्की आनी टिबोर कापू एप्रील ते जून 2025 मेरेन एक्सियम मिशन-4 चेर वतले.
नांव जाहीर करपा वांगडाच नासान एक्सियम मिशन 4 विशीं पत्रकार परिशद घेतली. जांतूत पायलट शुभांशुन सांगलें, येवपी मिशनांत हांव भारतीय जेवण वांगडा व्हरतलों, जें हांव म्हज्या वांगड्यांकय खावपाक दितलों. अंतराळात योग करतलों. हांव थंयच्यान फोटो हाडटलो, जाका लागून भारतीयांक अभिमानाची संद मेळटली.

एक्सएम-4 14 दीस संशोधन करतलें
आयएसएसांतलें पयलें खाजगी अंतराळवीर मिशन एक्सियम मिशन 1, एप्रिल 2022 दिसा सुरू जालें आनी तें 17 दीस परिभ्रमण प्रयोगशाळेंत उरलें. दुसरें एक्झियम मिशन 2, मे 2023 वर्सा सुरू जालें. हें मिशन आठ दीस आयएसएसांत रावलें. एक्सियम मिशन 3, 18 जानेवारी 2024 वर्सा सुरू जालें आनी तें स्टेशनाचेर 18 दीस रावलें. एक्झियम मिशन 4 खातीर 14 दिसांची वेळ मर्यादा थारायल्या.