भांगरभूंय | प्रतिनिधी
इंडियन सुपर लिगेची (आयएसएल) फायनल 18 मार्चाक फातोड्डेंच्या जवाहरलाल नेहरू स्टेडियमाचेर जातली. आयोजकांनी काल हे विशींची म्हायती दिली. पंगडांक सराव करपाक मैदान आनी हेर मुळाव्यो गजाली उपलब्ध आशिल्ल्यान फातोड्डेंच्या स्टेडियमाची फायनली खातीर निवड केली. मजगतीं, प्ले ऑफ मॅची 3 मार्चा सावन सुरू जातल्यो.
लीग शील्ड जैतिवंत मुंबय सिटी, हैदराबाद एफसी, एटीके मोहन बगान, बंगळुरू एफसी आनी केरळा ब्लास्टर्स ह्या पंगडांनी पयलींच प्ले ऑफांत सुवात मेळयल्या. ओडिशा एफसी आनी एफसी गोवा हे लेगीत प्ले ऑफाचे सर्तींत आसात.
अंदूंच्या हंगामांत आयोजकांनी लिगे खातीर प्ले ऑफाची नवी पद्धत लागू केल्या. हातूंत आनीक दोन मॅचींची भर पडल्या. दोन पंगड थेट सेमी फायनलींत सुवात मेळयतले. जाल्यार तिसरे सावन सवे सुवाते वयल्या पंगडां मदीं एक टप्प्यांतली प्ले ऑफ मॅच जातली. हातूंतल्यान सेमी फायनलींत सुवात मेळोवपी आनीक दोन पंगडाचेर निर्णय जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
