भांगरभूंय | प्रतिनिधी
पणजीः भारतीय प्रशासकीय सेवेच्या (आयएएस) अधिकारी संजीत रॉड्रिग्स हांची लडाख, प्रसाद लोलयेंकार हांची अंदमान निकोबार जुवें जाल्यार स्वेतिका संचन हांची दिल्ली बदली केल्या. जाल्यार प्रसन्न आचार्य हांची गोंयांत बदली केल्या.
तेचवरी राजेंद्र कुमार शर्मा, अवुदेश कुमार सिंग, छेष्टा यादव हांचे सयत भारतीय पुलीस सेवेचे (आयपीएस) अजय कृष्णन शर्मा आनी वर्षा शर्मा हांची गोंयांत बदली केल्या. हे विशींचो आदेश केंद्रीय गृह मंत्रालयाचे अव्वल सचीव राकेश कुमार सिंग हांणी जारी केला.
जारी केल्ल्या आदेशा प्रमाण अॅग्मू कॅडर 2013 बॅचीचे आयएएस अधिकारी संजीत रॉड्रिग्स हांची लडाखांत बदली केल्या. 2014 बॅचीचे प्रसाद लोलयेंकार हांची अंदमान निकोबार जुंव्यार बदली केल्या. जाल्यार स्वेतिका सचंन हांची दिल्ली बदली केल्या.
मजगतीं भारतीय प्रशासकीय सेवेच्या (आयएएस) 2010 बॅचीचे अधिकारी राजेंद्र कुमार शर्मा आनी अवुदेश कुमार सिंग हांची अरुणाचल प्रदेशांतल्यान गोंयांत बदली केल्या. 2014 बॅचीचे छेष्टा यादव हांची दिल्लींतल्यान गोंयांत बदली केल्या. तेचवरी अॅग्मू कॅडर 2008 बॅचीचे भारतीय पुलीस सेवेचे (आयपीएस) अजय कृष्णन शर्मा आनी 2010 बॅचीची भारतीय पुलीस सेवेचे (आयपीएस) वर्षा शर्मा ह्या दोगांचीय अरुणाचल प्रदेशांतल्यान गोंयांत बदली केल्या. हे दोगूय अधिकारी गोंयांत उपम्हानिरिक्षकपदार रुजू जातले अशी म्हायती मुखार आयल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
