भांगरभूंय | प्रतिनिधी
भोंवडी : हिंदू धर्मांत चारधाम यात्रा आनी पुण्यक्षेत्र यात्रा हांकां खूब म्हत्व आसा. अशें म्हणटात, जिणेंत एक फावट तरी अयोध्या, काशी, गया हांगा भेट दिवची. धर्मीक समजुती प्रमाण ह्या पवित्र थळांचें दर्शन केल्यार तुमी केल्लीं सगलीं पापां ना जातात. वयर पुण्य मेळटा. तुमकां जर धर्मीक भोंवडेची आवड आसल्यार भारतीय रेल्वे तुमकां ह्या थळांचेर व्हरपाची संद दिता. अयोध्या, वाराणसी, काशी, प्रयागराज हांगा खूब उण्या बजेटांत दर्शनाचो लाव घेवपाची संद दिता.
जुलयांत आयआरसीटीसी वांगडा टूर पॅकेजीची येवजण करात अशें भारतीय रेल्वेन सोशल मिडियाचेर पोस्ट केलां.
हे टूर पॅकेजींत तुमी जुलयांत अयोध्या ते वाराणसी सारनाथ प्रयागराज गया असो प्रवास करपाक शकता. आयआरसीटीसीचें हें पॅकेज णव दिसां खातीर आसा. हातूंत रावपाचो, जेवणाचो अश्या जायत्या सुविधांचो आसपाव आसा. सामक्या उण्या बजेटांत तुमी ह्या सुवातींक भेट दिवपाक शकतात.
पॅकेजींचें नांव- अयोध्या-काशी- पुण्य क्षेत्र यात्रा
पॅकेजीचो काळ- ८ राती आनी ९ दीस
प्रवास – ट्रेन
भेट दिल्लीं थळां- अयोध्या, गया, प्रयागराज, सारनाथ आनी वाराणसी
ह्यो सुविधा उपलब्ध जातल्यो
रावपाक हॉटेल. टूर पॅकेजींत नाश्तो पसून दनपारचें जेवण आनी रातच्या जेवणा मेरेनची सेवा उपलब्ध आसतली. हे पॅकेजींत प्रवाशांक प्रवास विम्याची सुविधाय मेळटली.
इतलें शुल्क घेतलें
हे ट्रिपींत तुमी स्लिपर क्लास पॅकेज घेतल्यार, तुमकां १५,१५० रुपया दिवचे पडटले.
3AC खातीर तुमकां २४,३०० रुपया दिवचे पडटले.
2AC पॅकेज घेतल्यार, तुमकां ३१,५०० रुपया दिवचे पडटले.
तुमकां भुरग्यां खातीर वेगळी फी भरची पडटली.
अशी बुकींग करपाक शकतात
हे टूर पॅकेजी खातीर आयआरसीटीसीचे बेबसायटी वयल्यान तुमी बूक करपाक शकतात. तशेंच, आयआरसीटीसी पर्यटक सुविधा केंद्र आनी क्षेत्रीय कार्यालयांतल्यानूच बुकींग करं येता. पॅकेजी विशीं आनी म्हायती जाय जाल्यार आयआरसीटीसीचे वेबसायटीक भेट दिवपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
