भांगरभूंय | प्रतिनिधी
मंत्री सुभाष फळदेसाय हांची म्हायती
पणजी, प्रतिनिधी : आयआयटी तज्ज्ञ समितीन रिवणाच्या जाग्याची पळोवणी करून जागो सामको योग्य आशिल्ल्याचें मत उक्तायला. लेखी मान्यताय आयले उपरांत फुडली प्रक्रिया सुरू जातली, अशें समाज कल्याण मंत्री सुभाष फळदेसाय हांणी सांगलां.
आयआयटी खातीर रिवणां 10 लाख 5 हजार चौखण मिटर जमनीची निवड केल्या. ही खासगी जमीन चार सर्व्हेंनी पातळ्ळ्या. आयआयटीची समिती जमीन पळोवन गेल्या. जमीन आयआयटी खातीर सामकी योग्य आशिल्ल्याचे मत तांणी म्हजे कडेन उक्तायलां, अशें फळदेसाय हांणी सांगलें.
हाचे पयली लोलयें, मेळावली (सत्तरी) आनी सांगें हांगाच्या जाग्यांक थळाव्यांचो विरोध जालो. हाका लागून आयआयटी जावपाक पावली ना. रिवणा आयआयटीक तेको दिवपी थाराव पंचायतींन ऑक्टोबरात संमत केला. हाचे उपरांत दक्षिण गोंय जिल्होधिकाऱ्यांनी जमनी विशीं
भौशिक सुनावणी जारी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
