भांगरभूंय | प्रतिनिधी
खेळां आनी युवा वेव्हार संचालनालयान पेडें खेळां संकुलांत आयोजीत केल्ले बार्देस तालुको पांवड्या वयले 17 वर्सां पिराये सकयल्या चल्यांच्या टेबल टॅनीस सर्तींत म्हापशेंच्या जी एस आमोणकार विद्यालयान वस्तादपण जोडलें, जाल्यार ते उपरांत जाल्ल्या जिल्हो पांवड्या वयले सर्तींत उपवस्तादपण मेळयलें.
जैतिवंत पंगडांत रिहाल गाड, सोहम दाभोलकार, अवनीश गांवकार, शीव कोठावळे आनी आदीत शिरोडकार हांचो आस्पाव आशिल्लो.
जैतिवंत पंगडाक विद्यालयाचे शारिरीक शिक्षक नरेंद्र परबाचें मार्गदर्शन लाबिल्लें.
शाळेचे अध्यक्ष अॅड. संजय उसगांवकार, मुख्याध्यापिका गायत्री शिरसाट, उप मुख्याध्यापिका पुजा दळवी, शिक्षक वर्ग आनी पालक वर्गान खेळगड्यांक परबीं भेटयल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
