भांगरभूंय | प्रतिनिधी
दिवचले खाण वेवसाय सुरू जाल्ले खातीर उक्तायलें समाधान
दिवचल: मुख्यमंत्री डॉ. सावंत हांणी सरकारा वरवीं खाण प्रस्न सोडोवपाचें दिल्लें उतर पुराय केल्ले खातीर दिवचलचे आमदार डॉ. चंद्रकांत शेट्ये हांणी परबीं भेटयलीं. दिवचले खाण वेवसाय आदले वरीं सुरू करपाची प्रक्रिया चालीक लायिल्ले खातीर परबीं भेटयलीं. खाणीचेर निंबून आशिल्ल्या कामगारां खातीर ही व्हड गजाल आशिल्ल्याचें आमदार डॉ. शेट्ये हांणी सांगलें.
सगळे कामगार चिंतेस्त आशिल्ले. आतां तांकां परत कामाक दवरून संरक्षण दिवपा खातीर वेदान्ता वतीन सगळे तरेचें सहकार्य मेळटलें अशी खात्री डॉ. शेट्ये हांणी दिली.
मुख्यमंत्र्यान दिल्लें वचन पुराय केलां. हेर प्रक्रियाय रोखड्योच सुरू जातल्यो. हाका लागून सगळे घटक समाधानी जातले, असो विस्वास डॉ.शेट्ये हांणी उक्तायलो.
आमी सतत कामगारांच्या बर्या खातीर फाटपुरवण केली. हाचे परिणामूय बरे आसले. ताका लागून देवी शांतादुर्गेची कृपा लाभिल्ल्याचें डॉ. शेट्ये हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
