भांगरभूंय | प्रतिनिधी
भांगरभूंय । प्रतिनिधी
दिवचलः दिवचल मतदारसंघाचो आमदार डॉ चंद्रकांत शेट्ये हाणे मतदारसंघांतल्या पावसा पयलींच्या कामाचो नियाळ घेतलो. जीं कामां अजून पुराय जालीं नात ती बेगोबेग पुराय करपाक ताणे सांगलां. हुंवार प्रवण वाठाराचेर नदर दवोरून जाय ती वेवस्था करपाचें तशेंच रस्त्या वयलीं फोंणुकां पुरोवपा कडेन लक्ष दिवपाक ताणे सांगलां.
तिळारी धऱणाच्या उदकाचो विसर्ग करतना गोंय आनी महाराष्ट्रांतल्या उदका स्रोत अधिकाराऱ्यांनी एकमेकां कडेन उलोवन साळ आनी हेर देगे कडच्या गांवांतल्या लोकांक सादूर करपाचें काम करपाक आमदारान तांकां सांगलां. खणीचें खंदक, मातीचो भराव, अतिरिक्त उदक ये विशीं जतनाय घेवपाक ताणे सांगलां.
पावसाच्या दिसांनी झाडां पडून वीज पुरवण बंद पडची न्हय हे खातीर यंत्रणा तयार दवोरपाक तशेंच पंचायती आनी दिवचल पालिका कार्यालयांत नियंत्रण कक्ष सुरू करपाक आमदारान सांगलां. वेगवेगळ्या खात्यांच्या अधिकाऱ्यांनी फाटले बसकेंत थारायल्ल्या कामां विशींचो तपशील डॉ शेट्ये हांका सादर केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
