भांगरभूंय | प्रतिनिधी
भांगरभूंय । प्रतिनिधी
दिवचलः भाजपाच्या दिवचल किसाम मोर्चा वतीन बोर्डेंच्या रवळनाथ देवस्थान सभाघरांत आयोजीत के्ल्ले बसकेंत आमदार डॉ चंद्रकांत शेट्ये हाणे शेतकारांच्यो समस्या आयकल्यो. बसकेक थळावे 50 शेतकार हाजीर आशिल्ले. शिरू मणेरकार, संजय मणेरीकार, महादेव परब, दिवाकर काजारी, वासंती नार्वेकार, सिद्धू गोसावी, विठू पळ, सीताराम पळ ह्या शेतकारांनी आपल्यो समस्या मांडल्यो.
केंद्र आनी राज्य सरकारान शेतकारां खातीर वेगवेगळ्यो येवजण्यो तयार केल्यात. ताचो लाब घेवपाक डॉ शेट्येन शेतकारांक सांगलें. स्वयंपूर्ण इश्ट आनी कृशी अधिकारी दीपक गडेकारान शेतकारांक सरकारी येवजण्यांचो लाब घेवपा खातीर किदें करपाक जाय ताची म्हायती दिली. दिवचल किसान मोर्चाचो अध्यक्ष विठ्ठल करमळकार हाणे येवकार दिलो. विजयकुमार नाटेकारान उपकार मानले. समस्या मांडपा खातीर बसका आयोजीत केल्ले खातीर शेतकारांनी खोस उक्तायली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
