भांगरभूंय | प्रतिनिधी
भांगरभूंय । प्रतिनिधी
वास्कोः मांगुर सोर्ट्स क्लबान आयोजीत केल्ल्या मांगुर स्पोर्ट्स क्लब आमदार करंड लायट टेनीस बॉल क्रिकेट सर्तींचे फायनलींत मांगुर बॉयजान दाबोळी बॉयजांचेर 6 धांवड्यांनी जैत मेळोवन आमदार करंड मेळयलो.
बायणा भुतेभाट हांगा साग मैदानार आयोजीत केल्ले हे सर्तींत 20 पंगडांनी वांटो घेतिल्लो. मांगुर बॉयजांनी उमर इलेव्हनाक हारोवन फायनलींत प्रवेश केल्लो. जाल्यार दाबोळी बॉयजान उमर बॉयजांचो हारोवन फायनलींत प्रवेश केल्लो. निमणे मॅचींत मांगुर बॉयजान पयलीं खेळून 29 धांवड्यो केल्यो आनी उपरांत दाबोळी बॉयजांक 24 धांवड्यांत आवट करून जैत मेळयलें.
फानयलीक मुखेल सोयरो म्हणून मुरगांवचो नगराध्यक्ष गिरीश बोरकार हाजीर आशिल्ले. नगरसेविका शमी साळकार, श्रद्धा महाले, रामनाथ साळकार, नुराणी क्लबाचो अध्यक्ष रिझवान खान माचयेर आशिल्ले. मानेस्तांचे हस्तुकीं जैतिवंत मांगुर बॉयज आनी दाबोळी बॉयजांक रोख रक्कम आनी आमदार करंड भेटयलो. उपांत्य मॅचींत हारल्ल्या पंगडांक रोख रक्कम दिली.
मॅन ऑफ दी टुर्नामेंट म्हणून विशाल हाका वॉशिंग मशीन भेटयलें. सलीम शेख, (उमर बॉयज), झहीर शेख ( दाबोळी बॉयज) हांका बॉलींग आनी बॅटिंगेचें इनाम दिलें. फायनलीचो मॅन ऑफ दी मॅच म्हणून सद्दाम शेख (मांगुर बॉयज) हाका इनाम दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
