आप मजतीचें राजकारण

भांगरभूंय | प्रतिनिधी

दर्जो हें आयज शिक्षक ते स्वयंपूर्णा, अन्नपूर्णेक दिवपाक कळपाक शिकोवपाची गरज उपरासल्या. ते खातीर कायदो ते अन्न प्रक्रियेची नीत राजभाशेंतल्यान शिकोवची. आप मजत गट ते पासत वावुरपाक शकतात.

राज्य अर्थसंकल्पांत स्वयंपूर्णा, अन्नपूर्णेंतल्यान आनीक लखपती दीदी दिवपा पासत तजवीज केल्या. वेंचणूक 2027 च्या राजकारणाचे तें बळगें, तांचें राजकारण भोवरंगी, भोवपक्षांचें जावचें न्हय हे खातीर जतनाय घेवची पडटली. आप मजत गटांत (सेल्फ हेल्प ग्रुप) आतां तिचे बराबरीन तो येवपाक लागला, ताका दादा काय दादो म्हणप तें थारावपी नीत बायलां आनी भुरग्यां कल्याण खात्याक दिवची पडटली. वेंचणुकेंतल्यान भुरग्यांक कुशीक दवरात, जायरातींतय भुरगीं नाकात केंद्रीय अस्तुरी आयोग फकत शिफारस करपी न्हय तो स्वयंसिद्ध जावचो ही मोख दवरुया.
आप मजत गट हजारांनी अस्तुरेक एकठांय हाडपी. साताचे सत्तर, सत्तराचे सातशें जाल्याय आसत. तातूंतले लखपती 500 जाले तरी राजकारण जैता कडेन व्हरपी 50 ते 100. स्त्रीशक्त फाटल्यांतल्यान येवन माथ्यार बसत जाल्यार सोंसून घेयात, तीच तुमकां व्हड करतली. तीच तुमची, आमची लक्ष्मी, सरस्वती, विद्या, विनया आसतली हे खातीर जतनाय तिणेंय घेवची.
आप मजत गटांचें राजकारण व्हड जायत आसा, तांचे खातीर नेमावळ, बांदावळ जाय. केन्ना हांगां, केन्ना थंय अशें कालचें राजकारण आतां नाका, आतां जाय पिरायेंतल्यान थिराय. एका तेंपार भुरगेपणांत लग्न जातालीं, भुरगीं व्हड जाता म्हणसर तिका थाकाय येताली. आतां तर ताचे बराबरीन ती जोडटा पयसो, भ्रश्टाचारांतय वांटेकार जाता, पापाचे धनी सगल्यांनी कित्याक जावप? वेंचणुके वेळार पार्सलां पावयत ती तिकेटीचेर हक्क सांगता जाल्यार तिचेंय शिक्षण, पिराय, ती लखपती करोडपती, तिची नीत थारावपाक आप मजत करप उपेगी. तेंच आप मजतीचें राजकारण दुसरे खेळटा आसत जाल्यार मजत गट, पंगड सस्पेंड करप बरें. आप मजत गट तिचे खातीरच न्हय ताचे खातीरय स्वयंपूर्ण, स्वयंसिद्ध जातना राखणय दिवपी आसतले हे खातीर जतनायेची नेमावळ गरजेची.आपमजत गट स्थलांतरीतांचें वेगळे, थळाव्यांचे सगळे हें राजकारण नाका.
एका तेंपार कला अकादमींत शिस्तीन आप मजत गटांची वर्सुकी बसका जाताली. हालीं बसके परस ऑनलायन अर्थीक सेवा दिवपी आप मजत गट अती जाल्यात. सेवेंत खावप नाका, पिवप बंद, तंबाखू, सिगारां बंद अशी नीत जाय. तंबाखू पान सुपारी, विक्र्याचें चॉकलेट, सुपारेंत, जर्दा, गुटखा, टूथपेस्टींतल्यान समेस्तां मेरेन पावता. ताची म्हायती आप मजत गटांक संमेलनांतल्यान दिवची. आप मजत गटांची संमेलना चार कोनशांनी जांव येतात.
सरबतां, गोधड्यो विकपी आप मजत गट वेंचणुकेचे बसकेंत अस्तुरेक चोम्यांनी हाडपाक, बुथ समित्यांचेर राजकारण्यांक उपेगी. राजकारण्यांचे मजतींतल्यान फुडें सरपी आप मजत गटांतल्यान बिगर सरकारी यंत्रणा उब्यो जातात, तांची मोख कितें ? फेक राजकारण ते गट करतात, 50 टक्के पयशे आपल्याच बोल्सांत घालतात हें राजकारण्यांक कितलें कळटा?
आप मजत गट, स्वयंपूर्णा, अन्नपूर्णेंतल्यान स्वयंसिद्धता कितली आयल्या? मेजप, नियाळ घेवप गरजेचो. गटांनी वर्सभर वाड्यावाड्यांनी वावर केल्यार शिकिल्ली अस्तुरी स्वयंसिद्धतेंतल्यान राजकारणांत मुखार सरिल्ली दिसतली. नितळसाण शास्त्र, उंचेल्या पावंड्याचें साहित्य ते सुविधा, वेवस्थापन, मार्केटिंग शिकली तरी ती तिगपी, ताज्जें, नवें अन्न वा वस्ती दिवंक शकली ना जाल्यार गट दोन कडेन घुस्पल्यात हें होलमतलें.
दर्जो हें आयज शिक्षक ते स्वयंपूर्णा, अन्नपूर्णेक दिवपाक कळपाक शिकोवपाची गरज उपरासल्या. तेखातीर कायदो ते अन्न प्रक्रियेची नीत राजभाशेंतल्यान शिकोवची. आप मजत गट तेपासत वावुरपाक शकतात. स्वयंपूर्णेची भलायकी हो एक म्हत्वाचो विशय आसा. तिका दुयेंसां कसलीं आसात? तिचें अन्न आनी भोंवतण, राबित्याची सुवात कशी आसा हें सोदपाक जाय. नवी नेमावळ, नोंदणी नवे येवजणेंत आयल्यार लखपतीय करोडपती जाल्ली दिश्टी पडटली. ती रिणांनी बुडचीना, तिचीं भुरगीं शिक्षणा पासून पयस उरचींना, ती अन्नपूर्णा जातना भुरगीं नाका थंय पावना हे खातीर तिका अस्तुरीनीत शिकोवचीच. स्वयंपूर्णा, अन्नपूर्णेंतल्यान उंचायेर वतना संवसार भोंवडी आसता, ती शेणटा, तो शिणटा, घर दुसरी, दुसरोच व्हरता हें सत.
मोबायलांत घुस्पल्ले अस्तुरेक घरांतल्यान स्वयंपूर्ण जावपाचें दार उगतें केलें जाल्यार? थंय लेगीत फटिंगपणा जावचीं ना, ती बंदखणीत पावची ना, आपल्याक, हेरांक सांबाळटली फकत आपलोच विचार करचीना हें तिका समजावन सांगपी कितले आसात? भेस, भास केन्ना कशी करची हें तिका कळपाक जाय. आपलेच भयणी, भावांक खेळोवपाची नीत ती केळयत रावली जाल्यार तिचे वांगडा तोय घुस्पता, समाजमन तुटत रावता. एकादरी सरस्वती, ज्ञानशक्ती, विद्या गांवांक शिकयतना जिखतली. अर्थिक बळगें तिचे कडेन आसता, नदर हजारांची, अचूक दिका दाखोवपी चार-पांच. तिकाय समजावया, बिजनेसाच्या घरांतल्यान चौकेर येवंक शिकोवया. नीत वागणूक, चलणूक कायद्या भायलीय. तेंच जैत.

सुहासिनी प्रभुगांवकार
9881099260