भांगरभूंय | प्रतिनिधी
मडगांव : राज्यांतल्या विरोधी पक्षांतल्या आमदारांक जिल्लो पंचायत वेंचणूक एकठांय येवन लढपाची आशिल्ली. मात आम आदमी पक्षाच्या (आप) दिल्लींतल्या फुडार्यांक हें मान्य नाशिल्लें. हाका लागून ’आप’चे गोंयचे आमदार बेजार आसतले, जाल्यार नव्या वर्साक तांणी नवे विचार आत्मसात करचे. गोंय वाटावपा खातीर विरोधकांच्या एकवटा खातीर जें कितें गरजेचें आसा, तें सगलें कॉंग्रेस पक्ष करतलें, अशें मत विरोधी पक्ष फुडारी युरी आलेमाव हांणी उक्तायलें.
मडगांवां एके कार्यावळी उपरांत प्रसारमाध्यमां केन उलयतना युरी आलेमाव हांणी, वेंचणूक ही जिखपा खातीरूच लढची आसता. हाका लागून म्हाका वयक्तीक तरेन ’फ्रेण्डली फाय्ट’ ही संकल्पनाच मान्य ना. अशे लढतीक लागून मतदार आबूज जातात, हाचो परिणाम येवपी वेंचणुकेंत फ्रेण्डली फायटचो पर्याय आसो न्हय.
जिल्लो पंचायत वेंचणुकेच्या निकालांचें विश्लेशण करतना तांणी सांगलें, उत्तर गोंयांत जर आमी आनीक पांच ते स सुवातो जिखिल्ल्यो जाल्यार दक्षीण गोंयांत जिल्लो पंचायत अध्यक्ष बसोवपाक शकताले. युतींतल्या चार सुवातांचेर आमी सामक्या उण्या मतांनी हारले. कॉंग्रेसीन वेंचणुके खातीर स्थापन केल्ले समितीनूच विरोधी पक्षांनी एकठांय लढपाची गरज आसा अशें मत तांणी उक्तायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
